ডিজিটেল ডেস্কঃ বিশ্বকাপত বিৰাট কোহলীক চিনাকি ৰূপত দেখা গৈছে। প্ৰতিখন মেচতে ৰান পাইছে। কিন্তু তেওঁ কোনো অভিলেখ খেদিব নিবিচাৰে। ক্ৰিকেটাৰ হিচাপে প্ৰতিদিনে নিজকে উন্নত কৰি যাব বিচাৰে কোহলীয়ে।
শেহতীয়াকৈ সাংবাদিকৰ আগত ভাৰতীয় প্রাক্তন অধিনায়ক কোহলীয়ে কয়- ''মই সদায় নিজৰ উন্নতিৰ বাবে চেষ্টা কৰো। প্ৰতিটো অনুশীলনত সেই লক্ষ্যৰে কঠোৰ পৰিশ্ৰম কৰো। প্ৰতি বছৰে মই আগৰ বছৰতকৈ ভাল খেলিব বিচাৰো। সেইটোৱেই মোক দীৰ্ঘদিন ধৰি খেলা আৰু পৰিবেশন কৰাত সহায় কৰে।''
তেওঁৰ মতে- ''ধাৰাবাহিকভাৱে ভাল খেলিবলৈ এই মানসিকতা প্ৰয়োজনীয়।’’ কোহলীয়ে কয়- ''যদি আপোনাৰ এই মানসিকতা নাথাকে তেন্তে ধাৰাবাহিকভাৱে প্ৰদৰ্শন কৰিব নোৱাৰিব।’’
ক্ৰিকেট দৰ্শনৰ সন্দৰ্ভত কোহলীয়ে কয়, ‘কেতিয়াও পাৰদৰ্শিতা দেখুৱাব বিচৰা নাছিলো। উন্নতিৰ লক্ষ্যৰে আগবাঢ়ি যাব বিচাৰো। কাৰণ মই নাজানো উৎকৃষ্টতাৰ সংজ্ঞা কি। ইয়াৰ কোনো সীমা নাই। কোনো নিৰ্দিষ্ট মাপকাঠী নাই। গতিকে প্ৰতিদিনে উন্নতি কৰিবলৈ চেষ্টা কৰো। যাতে মই ভালকৈ খেলিব পাৰো। আচল লক্ষ্য দলটোক জয় কৰা। ব্যক্তিগত প্ৰদৰ্শন তাত এটা অতিৰিক্ত বোনাছ।''
