ডিজিটেল ডেস্কঃ ৰাজস্থানত সংঘটিত হৈছে এক ভয়ংকৰ পথ দুৰ্ঘটনা। ৰাজ্য খনৰ হনুমানগড় জিলাত এখন চাৰিচকীয়া বাহন আৰু ট্ৰাকৰ মাজত হোৱা মুখামুখি সংঘৰ্ষত এটা পৰিয়ালৰ ৭গৰাকী সদস্য নিহত হোৱাৰ উপৰি আন দুজন লোক গুৰুতৰভাবে আহত হয়।
আৰক্ষীয়ে প্ৰকাশ কৰা মতে শনিবাৰে নিশা পৰিয়ালটোলে এটা অনুষ্ঠানৰ পৰা ঘৰলৈ উভতি অহাৰ সময়তে দুৰ্ঘটনাটো সংঘটিত হয়৷
দুৰ্ঘটনাটোত নিহত নিহত সকল হৈছে পৰমজিৎ কৌৰ (৬০), খুশবিন্দৰ সিং (২৫), তেওঁৰ পত্নী পৰমজিৎ কৌৰ (২২), পুত্ৰ মনজ্যোত সিং (৫), ৰামপাল (৩৬), তেওঁৰ পত্নী ৰীণা (৩৫) আৰু জীয়ৰী ৰীট (১২)। আহতসকল হৈছে আকাশদীপ সিং (১৪) আৰু মনৰাজ কৌৰ (২) । আহতসকলক বিকানেৰৰ এখন চিকিৎসালয়ত ভৰ্তি কৰোৱা হৈছে।
Continue Reading
