নিৰাপত্তাৰক্ষীৰ জালত দুই লস্কৰ ঈ তৈবা সন্ত্ৰাসবাদী

শ্ৰীনগৰ : জম্মু-কাশ্মীৰত নিৰাপত্তাৰক্ষীৰ জালত পৰিল দুই সন্ত্ৰাসবাদী। জম্মু-কাশ্মীৰৰ বান্দিপোৰা জিলাৰ পৰা লস্কৰ ঈ তৈবা সন্ত্ৰাসবাদী দলৰ সদস্য দুজনক গ্ৰেপ্তাৰ কৰিবলৈ সক্ষম হয় আৰক্ষীয়ে।

আৰু পঢ়িব পাৰিব : ভেকচিন লৈ অংগনৱাড়ী সহায়িকাৰ মৃত্যু : নাৰায়ণপুৰত চাঞ্চল্য…

বিশেষ সূত্ৰই দিয়া তথ্যৰ পম খেদি পাপাচান-বান্দিপোৰা দলঙত স্থাপন কৰা তালাচী চকীত সন্ত্ৰাসবাদী দুজনক শুকুৰবাৰে গ্ৰেপ্তাৰ কৰিবলৈ সক্ষম হয় নিৰাপত্তাৰক্ষীয়ে। সন্ত্ৰাসবাদী দুজনক আবিদ ৱাজা আৰু বাছিৰ আহমেদ গোজেৰ বুলি চিনাক্ত কৰা হৈছে আৰু দুয়ো উত্তৰ কাশ্মীৰৰ বান্দিপোৰাৰ বাসিন্দা আছিল।

আৰু পঢ়িব পাৰিব : মহানগৰীত পুনৰ কৰ’নাৰ সংক্ৰমণ ! ঘটনাক গাপ দিয়াৰ চেষ্টা…

আৰক্ষী সূত্ৰই তথ্যৰ ভিত্তিত প্ৰকাশ কৰা মতে দুয়োজনে সন্ত্ৰাসবাদী দলৰ সদস্যক আশ্ৰয়, যাতায়াতৰ ব্যৱস্থা আৰু অন্য সা-সুবিধাৰ যোগান ধৰি আহিছিল। দুটা হেণ্ড গ্ৰেনেডকে ধৰি ভালেমান আপত্তিজনক সামগ্ৰী দুয়োৰে পৰা আৰক্ষীয়ে জব্দ কৰিবলৈ সক্ষম হৈছে।