ডিজিটেল ডেস্কঃ তীব্ৰ মাইগ্ৰেইনত আক্ৰান্ত হৈ চিকিৎসালয়লৈ যোৱা আমেৰিকাৰ ৫২ বছৰীয়া এজন ব্যক্তিয়ে তেওঁৰ মগজুত টেপৱৰ্মৰ আক্ৰমণ হোৱা বুলি চিকিৎসকে জনোৱাৰ পিছতে স্তম্ভিত হৈ পৰে। নিউয়ৰ্ক পোষ্টৰ মতে, বিগত চাৰি মাহত তেওঁৰ অত্যধিক মূৰৰ বিষ অধিক হোৱাত লোকজনে চিকিৎসকৰ সহায় বিচাৰিছিল।
স্কেনত তেওঁৰ মগজুৰ দুয়োফালে একাধিক টেপৱৰ্মৰ কণী বুলি ধৰা পৰে। ৰোগীয়ে চিকিৎসকক তেওঁৰ ''কোমল বেকনৰ প্ৰতি আজীৱন পছন্দ''ৰ কথা কোৱাৰ পিছত তেওঁ কমকৈ সিজোৱা বেকন খোৱাৰ ফলত এই ৰোগত আক্ৰান্ত হৈছিল বুলি বিশ্বাস কৰা হৈছে। অণুবীক্ষণিক কণীসমূহ তেওঁৰ অন্ত্ৰত প্ৰৱেশ কৰিব পাৰিলেহেঁতেন, যাৰ ফলত এটা টেপৱৰ্মৰ সৃষ্টি হ’লহেঁতেন আৰু কণী পৰাৰ ফলত তেওঁৰ মলেৰে উলাই আহিলহেঁতেন।
চিকিৎসকে তেওঁক পৰজীৱী সংক্ৰমণ নিউৰ’চিষ্টিচাৰক’ছিছ বুলি ধৰা পেলাইছে, যিটো পৰজীৱীয়ে শৰীৰৰ অসংখ্য অঞ্চলত সংক্ৰমণ কৰা কণী পৰাৰ বৈজ্ঞানিক শব্দ। শেহতীয়াকৈ আমেৰিকান জাৰ্নেল অৱ কেছ ৰিপ’ৰ্টছত প্ৰকাশ পাইছে লোকজনৰ অসুস্থতাৰ সবিশেষ। ''আমেৰিকাত সংক্ৰমিত গাহৰিৰ মাংসৰ সন্মুখীন হোৱাটো ঐতিহাসিকভাৱে অতি অস্বাভাৱিক, আৰু আমাৰ ক্ষেত্ৰত জনস্বাস্থ্যৰ ওপৰত প্ৰভাৱ পৰিব পাৰে,'' গৱেষকসকলে লিখিছে।
ৰোগীজনক ইনটেনচিভ কেয়াৰ ইউনিটলৈ লৈ যোৱা হয় আৰু মগজুৰ ফুলা কমোৱাৰ বাবে দিনটোত চাৰিবাৰকৈ কৰ্টিক’ষ্টেৰয়ড ডেক্সামেথাছন ঔষধ দিয়া হয়। কৃমিৰ সংক্ৰমণৰ চিকিৎসাত ব্যৱহাৰ কৰা এলবেণ্ডাজ’ল আৰু প্ৰাজিকোৱাণ্টেল দুসপ্তাহৰ বাবেও তেওঁক দিয়া হৈছিল। ফলত চিষ্টবোৰ নাইকিয়া হৈ তেওঁৰ মাইগ্ৰেইনৰ উন্নতি ঘটিল।
নেশ্যনেল ইনষ্টিটিউট অৱ হেল্থ (এন আই এইচ)ৰ অনুমান অনুসৰি আমেৰিকাত প্ৰতি বছৰে ১,৩২০ৰ পৰা ৫,০৫০জন নিউৰ’চিষ্টিচাৰ্ক’ছিছৰ ৰোগী হয়।
Continue Reading
