ডিজিটেল ডেস্ক: তিনিচুকীয়া জিলাৰ বিভিন্ন প্ৰান্তৰ পৰা হঠাৎ নিখোঁজ হৈছে একাংশ যুৱক৷ ঘৰৰ পৰা নোহোৱা হোৱাত চিন্তিত হৈ পৰিছে পৰিয়ালৰ লোক। জিলাখনৰ কৰ্দৈগুৰি, টেকেৰী, কাকপথাৰ আৰু পেঙেৰী অঞ্চলৰ একাংশ যুৱক হঠাৎ ঘৰৰ পৰা অন্তৰ্ধান হোৱা খবৰে উদ্বিগ্ন কৰিছে আত্মীয়ক৷
Prag Newsৰ হাতত পৰা তথ্য অনুসৰি কৰ্দৈগুৰিৰ চাৰিজন যুৱক লক্ষ্যজিত মৰাণ, বিপ্লৱ মৰাণ, হাতী মৰাণ, নিপু বৰুৱাই দূৰ্গাপূজা চাবলৈ ঘৰৰ পৰা ওলাই আহি আজিলৈকে ঘৰলৈ ঘূৰি যোৱা নাই।
ইপিনে পেঙেৰীৰ টেকেৰী গাঁৱৰ গৌৰাঙ্গ বৰুৱা, উপজিত মৰাণ, গুণিত্ব বৰুৱা, বিচিত্ৰ বৰুৱা, সত্য ভাট্ৰা নামৰ পাঁচগৰাকী যুৱক সন্ধানহীন হৈ আছে।
এই টেকেৰী গাঁৱৰ পাঁচজন যুৱকৰ বিগত পোন্ধৰ দিনে সন্ধান নাই।
চোৰাংচোৱাৰ তথ্য অনুসৰি সন্ধানহীন এই ৯ যুৱকে নিষিদ্ধ সংগঠন আলফা স্বাধীনত যোগদান কৰিছে।
Continue Reading
