ডিজিটেল ডেস্ক : আৰম্ভ হ'ল গ্ৰীষ্মকাল৷ ৰাজধানী দিল্লী, উত্তৰ তথা মধ্য ভাৰততো বৃদ্ধি পাইছে গৰমৰ প্ৰকোপ৷ ভাৰতীয় বতৰ বিজ্ঞান বিভাগে কয় যে ৰাষ্ট্ৰীয় ৰাজধানী দিল্লী আৰু উত্তৰ আৰু মধ্য ভাৰতৰ বৃহৎ অংশ পৰৱৰ্তী পাঁচদিনৰ বাবে প্ৰচণ্ড হিটৱেভৰ মাজেৰে পাৰ কৰিব৷ পৰৱৰ্তী তিনিদিনৰ বাবে পূব ভাৰতৰ বাবে একে ধৰণৰ সতৰ্কবাণী জাৰি কৰা হৈছিল। দিল্লী আৰু অন্যান্য অঞ্চলৰ তাপমাত্ৰা ৪০ ডিগ্ৰী চেলচিয়াছ অতিক্ৰম কৰিছে, ৰাজস্থানত সৰ্বাধিক ৪৫ ডিগ্ৰী।
ইপিনে গৰমৰ প্ৰভাৱৰ বাবে কেইবাখনো জিলাত 'হালধীয়া' সতৰ্কবাণী জাৰি কৰা হৈছে আৰু ৰাজস্থান আৰু মধ্যপ্ৰদেশৰ কিছু অংশৰ বাবে 'কমলা' সতৰ্কতা (এক ডিগ্ৰী উচ্চতৰ) জাৰি কৰা হৈছে। অৱশ্যে তিনিৰ পৰা পাঁচদিনৰ পাছত তাপমাত্ৰা হ্ৰাস হ'ব পাৰে বুলি আইএমডিয়ে কয়।
বতৰ বিভাগে লগতে কয় যে উত্তৰ-পূব ভাৰতৰ অঞ্চলসমূহত বজ্ৰপাত/ধুমুহা বতাহৰ সৈতে বৰষুণ/বজ্ৰপাত অব্যাহত থকাৰ সম্ভাৱনা আছে।
প্ৰখৰ গ্ৰীষ্মকালত শীতল আৰু সুৰক্ষিত থাকিবলৈ পৰামৰ্শ :
> নিয়মীয়াকৈ যথেষ্ট পানী খোৱাৰ অভ্যাস গঢ়ি তোলক৷ আনকি আপুনি পিয়াহ অনুভৱ নকৰিলেও পানী খাই থাকিব সঘনাই৷
> যদি আপুনি বাহিৰলৈ যায় তেন্তে টুপী, ছানগ্লাছ পৰিধান কৰাৰ লগতে ছানস্ক্ৰীণ ব্যৱহাৰ কৰি সূৰ্যৰ প্ৰখৰ তাপৰ পৰা নিজকে সুৰক্ষিত ৰাখক৷
> গৰম আৰু গধুৰ আহাৰ পৰিহাৰ কৰিব
> ড্ৰেপ বা শ্বেডৰ সৈতে খিৰিকীবোৰ ঢাকি ৰাখক৷
> পাতল ৰঙৰ আৰু ঢিলা কাপোৰ পিন্ধিব যি তাপৰ পৰা সুৰক্ষা দিয়াত সহায় কৰে। শৰীৰ ঢাক খুৱাকৈ কাপোৰ পৰিধান কৰক, যাতে ছাল ৰ'দে পুৰিব নোৱাৰে ৷
