ডিজিটেল ডেস্কঃ প্ৰধানমন্ত্ৰী নৰেন্দ্ৰ মোদীয়ে সমগ্ৰ দেশতে ইন্ধনৰ মূল্য হ্ৰাস কৰাৰ সিদ্ধান্তৰ পিছত দেশৰ জনসাধাৰণক উদ্দেশ্যি টুইট কৰিছে। শনিবাৰে সন্ধিয়া এক টুইটযোগে প্ৰধানমন্ত্ৰীয়ে কয়, "আমাৰ বাবে মূল কাম হৈছে জনসাধাৰণৰ স্বাৰ্থ সুৰক্ষিত কৰা। মানুহ স্বাৰ্থ সদায় প্ৰথম। ইন্ধনৰ মূল্য হ্ৰাস হোৱাত বহুতো খণ্ডৰ ওপৰত ইতিবাচক প্ৰভাৱ পেলাব জানিব পৰা গৈছে। ই সাধাৰণ মানুহৰ দৈনন্দিন জীৱনত সকাহ আনিব। প্ৰধানমন্ত্ৰী নৰেন্দ্ৰ মোদীয়ে ইন্ধনৰ ওপৰত আবকাৰী শুল্ক হ্ৰাস কৰাৰ সিদ্ধান্তৰ বাবে বিত্ত মন্ত্ৰী নিৰ্মলা সীতাৰমণকো প্ৰশংসা কৰে।
দীৰ্ঘদিনৰ পৰা পেট্ৰল-ডিজেল আৰু ৰন্ধন গেছজাতীয় সামগ্ৰীৰ অনিয়ন্ত্ৰিত দাম বৃদ্ধিয়ে জনসাধাৰণক জীয়াতু ভুগাইছিল। মোদী চৰকাৰে আবকাৰী শুল্কত এক দাম হ্ৰাস কৰি ডাঙৰ সিদ্ধান্ত লৈছে। বিত্ত মন্ত্ৰী নিৰ্মলা সীতাৰমণে নিজেই টুইট কৰিছিল যে পেট্ৰ'লৰ ওপৰত আবকাৰী শুল্ক ৮ টকা হ্ৰাস কৰা হ'ব আৰু ডিজেলৰ ওপৰত আবকাৰী শুল্ক ৭ টকা হ্ৰাস কৰা হ'ব।
কেন্দ্ৰীয় বিত্তমন্ত্ৰী নিৰ্মলা সীতাৰমণে পেট্ৰ'লৰ ওপৰত কেন্দ্ৰীয় আবকাৰী শুল্ক প্ৰতি লিটাৰত ৮ টকা আৰু ডিজেলৰ ওপৰত প্ৰতি লিটাৰত ৬ টকা হ্ৰাস কৰিছে। ইয়াৰ ফলত পেট্ৰ'লৰ মূল্য প্ৰতি লিটাৰত ৯.৫ টকা আৰু ডিজেলৰ মূল্য প্ৰতি লিটাৰত ৭ টকা হ্ৰাস পাব বুলি কেন্দ্ৰীয় বিত্ত মন্ত্ৰী নিৰ্মলা সীতাৰমণে জানিবলৈ দিছে।
লগতে, এই বছৰ প্ৰধানমন্ত্ৰী উজ্জ্বলা যোজনাৰ ৯ কোটিৰো অধিক হিতাধিকাৰীক প্ৰতি গেছ চিলিণ্ডাৰত ২০০ টকাৰ ৰাজসাহায্য প্ৰদান কৰিব বুলি কেন্দ্ৰীয় চৰকাৰে ঘোষণা কৰিছে।
চৰকাৰে লগতে প্লাষ্টিকৰ সামগ্ৰীৰ বাবে কেঁচা সামগ্ৰী আৰু মধ্যস্থতাকাৰীৰ ওপৰত শুল্ক হ্ৰাস কৰি ভাৰতৰ আমদানি নিৰ্ভৰশীলতা অধিক বৃদ্ধি কৰাৰ সিদ্ধান্ত লৈছে। ইস্পাতৰ কিছুমান কেঁচা সামগ্ৰীৰ ওপৰত আমদানি শুল্ক হ্ৰাস কৰা হ'ব। কিছুমান তীখাসামগ্ৰীৰ ওপৰত ৰপ্তানি শুল্ক আৰোপ কৰা হ'ব। চিমেণ্টৰ উপলব্ধতা উন্নত কৰাৰ বাবে আৰু চিমেণ্টৰ ব্যয় হ্ৰাস কৰি উন্নত লজিষ্টিকৰ জৰিয়তে ব্যৱস্থা গ্ৰহণ কৰা হব বুলি বিত্তমন্ত্ৰীয়ে ঘোষণা কৰে।
Continue Reading
