ডিজিটেল ডেস্কঃ উৎসৱৰ বতৰৰ প্ৰাক মুহূৰ্তত ৰিজাৰ্ভ বেংকে ঘোষণা কৰিলে পৰৱৰ্তী তিনিমাহৰ ৰেপো ৰেট । ৰিজাৰ্ভ বেংকে ঘোষণা কৰা আনুসৰি চলিত বিত্তীয় বৰ্ষৰ অন্তিম চতুৰ্থাংশত ৰেপো ৰেট অপৰিৱৰ্তিত থাকিব। ৰিজাৰ্ভ বেংকৰ গভৰ্ণৰ শক্তিকান্ত দাসে মুদ্ৰা নীতি সমিতিৰ এখন বৈঠকৰ পিছত ৰেপো ৰেট অপৰিৱৰ্তিত ৰখাৰ সিদ্ধান্তৰ কথা ঘোষণা কৰে।
ফলস্বৰূপে দেশৰ বিভিন্ন বেংকৰ পৰা ঋণ লওঁতাই পৰোক্ষভাৱে কিছু সকাহ পাব। ভাৰতীয় ৰিজাৰ্ভ বেঙ্কে মুদ্ৰাস্ফীতিৰ সৈতে মোকাবিলা কৰিবলৈ যোৱা বছৰত কেইবাবাৰো ৰেপো ৰেট বৃদ্ধি কৰিছে। ৰেপো ৰেট মে’ ২০২২ ৰ পৰা এপ্ৰিল ২০২৩ লৈ ২৫০ বেছিছ পইণ্ট পৰ্যন্ত বৃদ্ধি কৰা হৈছে। অৱশ্যে ২০২৩-২৪ বিত্তীয় বৰ্ষৰ প্ৰথম তিনিটা চতুৰ্থাংশত ৰেপো ৰেট বৃদ্ধি কৰা হোৱা নাছিল। এয়া চতুৰ্থ কোৱাৰ্টাৰতো সম্প্ৰসাৰিত কৰা হোৱা নাছিল।আগতে ৰেপো হাৰ নিৰন্তৰ বৃদ্ধি হোৱাৰ বাবে ব্যৱসায়ীৰ পৰা ঋণ লওঁতালৈকে সকলোৱে সমস্যাৰ সন্মুখীন হ'বলগীয়া হৈছিল।
মূল্যবৃদ্ধি নিয়ন্ত্ৰণলৈ অনাৰ বাবে ৰেপো ৰেট বৃদ্ধি কৰাত সাধাৰণ মানুহৰ ওপৰত বিত্তীয় চাপ বাঢ়ি আহিছিল। গৃহ আৰু গাড়ীৰ ঋণৰ সূতৰ হাৰো বাঢ়ি গৈছিল। ৰিজাৰ্ভ বেংকে এইবাৰ জনতাক সেয়ে কিছু সকাহ দিছে। যদি ৰেপো ৰেট একেৰাহে চাৰিটা ত্ৰিমাহত বৃদ্ধি কৰা নহয় তেন্তে উৎসৱৰ বতৰত ইএমআই বৃদ্ধি হোৱাৰ সম্ভাৱনা নাই।
মুদ্ৰা নীতি সমিতিৰ (এমপিচি) বৈঠকৰ পিছত ৰিজাৰ্ভ বেংকে কৈছে যে ৰেপো ৰেট আগৰ দৰে ৬.৫০ শতাংশত ৰখা হ'ব। বিশেষজ্ঞসকলে বিশ্বাস কৰে যে এই বছৰ ৰেপো ৰেট কমেও ২৫ বেছিছ পইণ্ট বৃদ্ধি কৰা হ'ব পাৰে। কিন্তু বেংক আৰু ঋণ লওঁতাসকলৰ কথা বিবেচনা কৰি, ৰিজাৰ্ভ বেঙ্কে বৰ্তমানৰ বাবে ৰেপো ৰেট অপৰিৱৰ্তিত ৰখাৰ সিদ্ধান্ত লৈছে।
Continue Reading
