ডিজিটেল ডেস্কঃ পত্নীয়ে মোকো ড্ৰামত ভৰাব পাৰে, এই অভিযোগ লৈ থানাত উপস্থিত হ’ল এজন স্বামী। তেওঁৰ লগত থানালৈ আহিছিল তিনি সন্তানো।
উত্তৰ প্ৰদেশৰ হাপুৰ জিলাত ঘটিছে এই চাঞ্চল্যকৰ ঘটনা। স্বামীগৰাকীয়ে নিজৰ পত্নীয়ে অবৈধ সম্পৰ্ক ৰখাৰ অভিযোগ তুলি আৰক্ষীৰ ওচৰত সুৰক্ষাৰ বাবে আবেদন জনাইছে। মনোজ নামৰ এই লোকজনে তেওঁৰ তিনিটা সন্তানৰ সৈতে আৰক্ষী অধীক্ষকৰ কাৰ্যালয়ত উপস্থিত হৈ পত্নী অঞ্জুৰ বিৰুদ্ধে এজাহাৰ দাখিল কৰে। এই বিষয়ত মনোজক ব্যৱস্থা গ্ৰহণৰ আশ্বাস দিছে আৰক্ষী অধীক্ষক জ্ঞাননঞ্জয় সিঙে।
মনোজে অভিযোগ কৰে যে তেওঁৰ পত্নী অঞ্জুৰ ভিনিহিয়েকৰ ভতিজা সোণুৰ সৈতে অবৈধ সম্পৰ্ক আছে। এই কথা গম পাই মনোজে যেতিয়া প্ৰতিবাদ কৰিলে, তেতিয়া তেওঁক ভাবুকি দিয়া হ’ল যে তেওঁৰো অৱস্থা মেৰুটৰ সৌৰভৰ দৰে হ’ব। মনোজে আৰক্ষীক কয় যে মোৰ পত্নীৰ পৰা মোক বচাওক। মোৰ পত্নীৰ অবৈধ সম্পৰ্ক আছে আৰু তাই মোকো মেৰুটৰ মুস্কানে সৌৰভক হত্যা কৰাৰ দৰে হত্যা কৰি ড্ৰামত ভৰাব।
এই ভাবুকি পাই মনোজ আৰু তেওঁৰ সন্তানে বহুত ভয় খাইছে।
মনোজৰ অভিযোগ সন্দৰ্ভত আৰক্ষী অধীক্ষক জ্ঞাননঞ্জয় সিঙে অনজুক শীঘ্ৰে ফোন কৰি পৰামৰ্শ দিয়া হ’ব বুলি আশ্বাস দিছে। বিষয়টোৰ গুৰুত্বৰ প্ৰতি লক্ষ্য ৰাখি মনোজ আৰু তেওঁৰ সন্তানক নিৰাপত্তা প্ৰদানৰ বাবে যাৱতীয় পদক্ষেপ গ্ৰহণ কৰিছে আৰক্ষীয়ে।
Continue Reading
