ডিজিটেল ডেস্ক : সামাজিক মাধ্যমত নিশাটোৰ ভিতৰতে ট্ৰেণ্ডিঙত এখন বিশেষ শৈলীৰ ফটো । যিয়ে এতিয়া সামাজিক মাধ্যমত বিশেষ চৰ্চা লাভ কৰিবলৈ সক্ষম হৈছে। ফেচবুক, ইনষ্টাগ্ৰাম ইত্যাদি ছ’চিয়েল মিডিয়াৰ সকলো প্লেটফৰ্মতে বিভিন্নজনে নিজৰ বা আন কাৰোবাৰ একো একোখন পেইণ্টিং আৰ্হিৰ ছবি আপলোড কৰা হয়তো আপুনি নিশ্চয় দেখিছে।
সামাজিক মাধ্যমত ব্যাপক জনপ্ৰিয়তা লাভ কৰিছে ‘ষ্টুডিঅ’ ঘিবলি’ শীৰ্ষক এই বিশেষ শৈলীৰ ফটোসমূহে৷ কিন্তু কেনেকৈ প্ৰস্তুত কৰা হৈছে এই পেইণ্টিং বা ঘিবলিৰ। এই কথা জানিবলৈ সাধাৰণ ৰাইজৰ মাজতো দিনকদিনে বৃদ্ধি পাইছে উৎকণ্ঠাৰ৷
ইণ্টাৰনেটত ট্ৰেণ্ডিঙত থকা ‘ষ্টুডিঅ’ ঘিবলি’ হৈছে আমেৰিকাৰ প্ৰযুক্তিগত কোম্পানী Open-AI য়ে কৃত্ৰিম বুদ্ধিমত্তাৰ ভিত্তিত Chat-GPত সৃষ্টি কৰা এখন ছবি৷ ‘ষ্টুডিঅ’ ঘিবলি’ হৈছে জাপানীজ এনিমেচনৰ এটা বিখ্যাত ষ্টুডিঅ’৷
১৯৯৮ চনত কিম্বদন্তি জাপানীজ চলচ্চিত্ৰ পৰিচালক হায়াও মিয়াজাকি আৰু তেওঁৰ সহযোগী ইছাও তাকাহাতাই স্থাপন কৰিছিল উক্ত ষ্টুডিঅ’ ঘিবলি৷ কৃত্ৰিম বুদ্ধিমত্তাৰে সৃষ্টি কৰা এই ছবিখনৰ জৰিয়তে নিজৰ ৰূপ চাবলৈ নেতা-মন্ত্ৰীকে ধৰি ৰাজনৈতিক মহলতো হেতা-ওপৰা লাগিছে৷ সামাজিক মাধ্যমত ‘Studio Ghibli on ChatGTP’ বুলি জনপ্ৰিয় হৈ পৰিছে এক বিশেষ শৈলীৰ ফটোসমূহ৷
Continue Reading
