ডিজিটেল ডেস্ক : দুবাৰৰ অলিম্পিক পদকজয়ী নীৰজ চোপ্রাই পটচেফস্ট্র'ম আমন্ত্রণমূলক ট্রেক ইভেন্টত ৮৪.৫২ মিটাৰ জেভেলিন নিক্ষেপ কৰি নিজৰ ২০২৫ ছিজনৰ আৰম্ভণি ঘটাইছে। বুধবাৰে ছজনীয়া খেলুৱৈৰ প্ৰতিদ্বন্দ্বিতাত নীৰজে তেনেদৰেই দক্ষিণ আফ্রিকাত স্বর্ণজয়ী কৃতিত্ব অর্জন কৰে।
নিজৰ শ্রেষ্ঠ ৮৯.৯৪ মিটাৰৰ কাষ চাপিব নোৱাৰিলেও চোপ্ৰাৰ বাবে এয়া ছিজনটোত এক শক্তিশালী আৰু মনোবল বৃদ্ধিৰ আৰম্ভণি বিবেচিত হৈছে। তাৰকা জেভেলিন থ্র'ৱাৰ চোপ্ৰাৰ নিকটতম প্রতিযোগী আছিল দক্ষিণ আফ্ৰিকাৰ ডাউ স্মিট। স্মিটে নিজৰ শ্ৰেষ্ঠ প্রদর্শন দাঙি ধৰি ৮৩.২৯ মিটাৰেৰে ৰূপৰ পদক লাভ কৰে।
লক্ষণীয়ভাৱে ছজনীয়া খেলুৱৈৰ ভিতৰত মাথোঁ চোপ্রা আৰু স্মিটে ৮০ মিটাৰৰ সীমা পাৰ কৰিবলৈ সক্ষম হয়। এই ইভেন্টখনতে চোপ্রাই ২০২৫ ছিজনত প্রথম প্রতিযোগিতাত অৱতীৰ্ণ হয়। আগন্তুক এলীট আন্তর্জাতিক ছিজনৰ আগে আগে তেওঁ পটচেফস্ট্র'মত অনুশীলনত ব্যস্ত আছে। পেৰিছ অলিম্পিকৰ ৰূপজয়ী চোপ্রাই অহা ১৬ মে'ত ডোহা ডায়মণ্ড লীগত অৱতীৰ্ণ হ'ব, য'ত তেওঁ কঠিন প্রতিদ্বন্দ্বিতাৰ সন্মুখীন হ'ব।
উৎসঃ দৈনিক জনমভূমি
Continue Reading
