গাজিয়াবাদৰ পৰা ৩০ কিলোমিটাৰ দূৰত্বত অৱস্থিত মুৰাদনগৰৰ সুৰানা গাঁৱত দ্বাদশ শতিকাৰ পৰা ৰাইজে পালন নকৰে ৰক্ষাবন্ধন উৎসৱ। এই গাঁৱৰ ছোৱালীবোৰে ৰক্ষাবন্ধন উৎসৱ পালন নকৰে। কেৱল এয়াই নহয়, এই গাঁৱৰ মানুহে আন ঠাইত বসতি স্থাপন কৰিলেও তেওঁলোকে ৰক্ষাবন্ধন উৎসৱ পাল

Listen to Article

2 min read

80%

ডিজিটেল ডেস্কঃ গাজিয়াবাদৰ পৰা ৩০ কিলোমিটাৰ দূৰত্বত অৱস্থিত মুৰাদনগৰৰ সুৰানা গাঁৱত দ্বাদশ শতিকাৰ পৰা ৰাইজে পালন নকৰে ৰক্ষাবন্ধন উৎসৱ। এই গাঁৱৰ ছোৱালীবোৰে ৰক্ষাবন্ধন উৎসৱ পালন নকৰে। কেৱল এয়াই নহয়, এই গাঁৱৰ মানুহে আন ঠাইত বসতি স্থাপন কৰিলেও তেওঁলোকে ৰক্ষাবন্ধন উৎসৱ পালন নকৰে। গাওঁখনৰ ৰাইজে এই দিনটোক ক’লা দিৱস বুলি গণ্য কৰে।

সুৰণা গাঁও পূৰ্বতে সোনগাধ নামেৰে জনাজাত আছিল। ছব্ৰিয়া গোত্ৰৰ চন্দ্ৰবংশী আহিৰ ক্ষত্ৰিয়সকলৰ এক বিশাল আশ্ৰয়স্থল সুৰণা। ৰাজস্থানৰ আলৱাৰৰ পৰা ওলাই অহাৰ পিছত ছব্ৰিয়া গোত্ৰৰ আহিৰসকলে সুৰাণত এটা সৰু মেন’ৰ স্থাপন কৰি গাঁওখনত বসতি স্থাপন কৰে।

গাঁওখনৰ নাম ‘সুৰাণা’ অৰ্থাৎ ‘এশ’ শব্দৰ পৰা আহিছে। বিশ্বাস কৰা হয় যে, যেতিয়া আহিৰসকলে এই গাঁৱত বসবাস কৰিছিল, তেতিয়া তেওঁলোকৰ সংখ্যা এশ আছিল আৰু ৰাণা মানে যোদ্ধা, সেয়েহে সেই এশ ক্ষত্ৰিয় আহিৰ ৰাণাৰ নামেৰে এই লুকাই থকা ঠাইখনৰ নাম সুৰাণা ৰখা হৈছিল।

গাঁওখনৰ মুঠ জনসংখ্যা প্ৰায় ২২ হাজাৰ, অধিকাংশ বাসিন্দাই ৰক্ষাবন্ধন উৎসৱ পালন নকৰে। পাছত ইয়াত বাস কৰিবলৈ অহা সকলেও গাওঁখনৰ এই পৰম্পৰা মানি চলিবলৈ আৰম্ভ কৰিছে। ইয়াৰ সমান্তৰালকৈ গাঁৱৰ প্ৰতিটো ঘৰৰ পৰা এজন ব্যক্তিয়ে সেনা বা পুলিচত সেৱা আগবঢ়াই আছে।

গাঁওবাসী ছব্ৰিয়া ৰাহুল সুৰনাই জনোৱা মতে, ছাব্ৰিয়া গৌত্ৰৰ কোনো ব্যক্তিয়ে ৰক্ষাবন্ধন উৎসৱ পালন নকৰে। শ শ বছৰ পূর্বে ৰাজস্থানৰ পৰা অহা পৃথ্বীৰাজ চৌহানৰ বংশধৰ সোণ সিং ৰানাই হিন্দোন নৈৰ পাৰত শিবিৰ পাতিছিল৷ মহম্মদ ঘোৰীয়ে যেতিয়া জানিব পাৰিলে যে পৃথ্বীৰাজ চৌহানৰ বংশধৰসকল সোহানগড়ত থাকে, তেতিয়া তেওঁ ৰক্ষাবন্ধনৰ দিনা সোহানগড়ত আক্ৰমণ কৰি হাতীৰে গচকাই মহিলা, শিশু, বৃদ্ধ, ডেকা যুৱক-যুৱতীক থেতেলিয়াই পেলায়।

গাওঁখনৰ ৰাইজৰ মতে মহম্মদ ঘোৰীয়ে এই গাঁৱত বহুবাৰ আক্ৰমণ কৰিছিল যদিও প্ৰতিবাৰেই তেওঁৰ সেনাই গাঁওখনত প্ৰৱেশ কৰাৰ সময়ত অন্ধ হৈ গৈছিল। কাৰণ দেৱতাসকলে এই গাঁওখনক ৰক্ষা কৰিছিল। ৰক্ষাবন্ধনৰ দিনা দেৱতাসকলে গংগাত গা ধুবলৈ গৈছিল, যিটো মহম্মদ ঘোৰীক জনোৱা হৈছিল আৰু তাৰ সুযোগ লৈ মহম্মদ ঘোৰীয়ে এই গাঁওখন আক্ৰমণ কৰিছিল।

আন এজন গাঁৱৰ বাসিন্দা মহাবীৰ সিং যাদৱে জনায় যে ১২০৬ চনত অৰ্থাৎ ৰক্ষাবন্ধনৰ দিনা মহম্মদ ঘোৰীয়ে গাঁওখনত হাতীৰ আক্ৰমণ চলাইছিল। আক্ৰমণৰ পিছত এই গাঁওখন পুনৰ সংস্থাপন কৰা হয়। ৰক্ষাবন্ধনৰ দিনটোতেই এনে দুৰ্ভাগ্যজনক ঘটনা সংঘটিত হোৱা বাবে গাঁওবাসীয়ে পালন নকৰে ৰক্ষাবন্ধন।