ডিজিটেল ডেস্কঃ ভাৰতৰ উচ্চতম ন্যায়ালয়ে শেহতীয়াকৈ সমকামী বিবাহক আইনী বৈধতা প্ৰদান কৰিবলৈ অস্বীকাৰ কৰিছে। উচ্চতম ন্যায়ালয়ৰ এনে ৰায়ৰ পিছতে বহু চৰ্চিত লেখিকা তছলিমা নাছৰিনে ৰায়টোৰ বিৰোধিতা কৰিছে।
তছলিমাই ফেচবুকত লিখিছে , "দুজন মানুহে ইজনে সিজনক ভালপায়, তেওঁলোকে একেলগে থাকিব বিচাৰে। আইনে তেওঁলোকক দম্পতী হিচাপে স্বীকৃতি দিয়াটো উচিৎ নহয় নেকি? তেওঁলোকৰ কাপোৰৰ আঁৰত কেনে ধৰণৰ লিংগ আছে, তেওঁলোকে কেনেদৰে যৌন সম্ভোগ কৰিব সেয়া চোৱাৰ প্ৰয়োজনীয়তা কি? যদি তেওঁলোক সুখী হয়, আমি যুঁজিবলৈ কোন? যদি তেওঁলোকে আনৰ কোনো ক্ষতি নকৰে, তেন্তে কোনেও এইবিষয়ত আপত্তি কৰিব নালাগে। "
তছলিমাই কৈছে যে তেওঁ বহু সমকামী দম্পতীক আনৰ শুক্ৰাণুৰ জড়িয়তে গৰ্ভৱতী হোৱা দেখিছে। তছলিমাৰ মতে শিশুৰ প্ৰতিপালনৰ ক্ষেত্ৰত সমকামীসকল আন ছোৱালীতকৈ কোনো গুণে কম নহয়। বহুক্ষেত্ৰত, তেওঁলোকে এই বিষয়ত অধিক জানে বুলিও তছলিমাই মন্তব্য কৰে। ।উল্লেখ্য দেশত বহু দিনৰে পৰা সমকামী বিবাহৰ অনুমতি বিচাৰি বিভিন্ন সংগঠনে দাবী জনাই আহিছে। এনে সময়তে অলপতে উচ্চতম ন্যায়ালয়ে সমলিংগ বিবাহৰ প্ৰসংগত এক গুৰুত্বপূৰ্ণ ৰায় প্ৰদান কৰে। উচ্চতম ন্যায়ালয়ে কয় যে সমলিংগ বিবাহক আইনী বৈধতা প্ৰদান কৰিব নোৱাৰি। আদালতে এই বিষয়ত সিদ্ধান্ত লোৱাৰ ভাৰ চৰকাৰৰ ওপৰত এৰি দিয়ে। উচ্চতম ন্যায়ালয়ৰ মুখ্য ন্যায়াধীশ ডি ৱাই চন্দ্ৰচূড়ে মন্তব্য কৰে, "বিবাহৰ পৰম্পৰা এক কঠোৰ, অটল বস্তু বিষয় । বিবাহত বিৱৰ্তন আহে। জীৱন সংগী বাছনি কৰাটো সকলোৰে জীৱনৰ এক অবিচ্ছেদ্য অংগ। "
তেওঁ অৱশ্যে সমলিংগ বিবাহক আইনী বৈধতা প্ৰদান কৰিব নোৱাৰি বুলি কয়। অৱশ্যে মঙলবাৰে উচ্চতম ন্যায়ালয়ে মঙলবাৰে সমলিংগ বিবাহ আইনৰ গোচৰত ৰায় প্ৰদান কৰি স্পষ্টভাবে কয় যে সমলিংগ বিবাহৰ বাবে এই মুহূৰ্তত কোনো সন্মতি নাই। আদালতে কয়-" সমলিংগ বিবাহৰ অনুমতি এই মুহূৰ্তত নাই। উচ্চতম ন্যায়ালয়ে সিদ্ধান্তটো চৰকাৰৰ ওপৰত এৰি দিছে।’’
মুখ্য ন্যায়াধীশ চন্দ্ৰচূড়ৰ নেতৃত্বত পাঁচজনীয়া সংবিধান বিচাৰপীঠে ১০ দিনীয়া শুনানিৰ পিছত ১১ মে'ত ইয়াৰ ৰায় সংৰক্ষিত ৰাখিছিল। আদালতে সমকামী বিবাহৰ পক্ষপাতী আছিল কিন্তু আইনী সিদ্ধান্ত লোৱাৰ দায়িত্ব কেন্দ্ৰৰ ওপৰত এৰি দিয়ে। অৱশ্যে কেন্দ্ৰই আৰম্ভণিৰে পৰাই সমকামী বিবাহ বৈধকৰণৰ দাবীৰ বিৰোধিতা কৰি আহিছে। কেন্দ্ৰই কৈ আহিছে যে এয়া চহৰীয়া অভিজাত লোক একাংশৰ ধাৰণা। কেন্দ্ৰই এইবুলিও কৈ আহিছে যে যে যদি এনে বিবাহ বৈধ কৰা হয়, তেন্তে বিবাহ নামৰ প্ৰতিষ্ঠানটোক আক্ৰমণ কৰা হ'ব। বৰ্তমানৰ উচ্চতম ন্যায়ালয়ৰ ৰায়ৰ ওপৰত কেন্দ্ৰই কি সিদ্ধান্ত লয় সেয়া লক্ষ্যণীয় হ’ব।
Continue Reading
