ডিজিটেল ডেস্কঃ ২০২৪ চনৰ বাজেটত ঘোষণা কৰা কৰ সংস্কাৰৰ প্ৰকৃত প্ৰভাৱ ২০২৫ চনত দেখা যাব। গতিকে ২০২৫ চনৰ জুলাই মাহৰ পৰা আয়কৰ ৰিটাৰ্ণ দাখিলৰ বাবে প্ৰস্তুতি আৰম্ভ কৰিব লাগিব আৰু এতিয়াৰে পৰা ইয়াৰ সৈতে জড়িত নথি-পত্ৰ চাব লাগিব। কৰ কৰ্তন আৰু ৰেহাইৰ সৰ্বোচ্চ সুবিধা লাভ কৰিবলৈ আপুনি এতিয়াৰ পৰা ব্যৱস্থা কৰিব লাগিব। এতিয়াৰে পৰা নতুন নিয়মৰ আপডেট সম্পৰ্কীয় নথি-পত্ৰ সংগ্ৰহ কৰিব লাগিব।
ফিক্সড ডিপ’জিটৰ বাবে এই প্ৰস্তুতিসমূহ কৰক
ফিক্সড ডিপ’জিটৰ সৈতে জড়িত বহু নিয়ম কটকটীয়া কৰিছে ৰিজাৰ্ভ বেংকে। সেই অনুসৰিও প্ৰস্তুতি চলাব লাগিব। আপুনি দাখিল কৰা নথিখনত মনোনীতজনক ঘোষণা কৰাটো বাধ্যতামূলক কৰা হৈছে। ২০২৫ চনৰ ১ জানুৱাৰীৰ পৰা প্ৰযোজ্য। ইয়াৰ বাবেও আপুনি প্ৰস্তুতি চলাব লাগিব। গ্ৰাহকে ফিক্সড ডিপ’জিটৰ পৰা ধন উলিয়াব পৰাকৈ বহু নিয়ম সৰল কৰা হৈছে।
দেশৰ যিকোনো বেংক শাখাৰ পৰা উলিয়াব পাৰিব পেঞ্চন
ইপিএফঅ’ৰ আধুনিকীকৰণৰ ভিত্তিত ১ জানুৱাৰীৰ পৰা বহুতো নতুন সুবিধা লাভ কৰিব আপোনালোকে। এইবাৰ এটিএম কাৰ্ডৰ পৰা পেঞ্চন উলিওৱাৰ সুবিধাৰ লগতে দেশৰ যিকোনো বেংক শাখাৰ পৰা পেঞ্চন উলিওৱাৰ সুবিধাও লাভ কৰিব। অৰ্থাৎ পেঞ্চন ব্যৱস্থাটো বেংকৰ পৰা সম্পূৰ্ণ স্বাধীন কৰি তোলা হৈছে।
ক্ৰেডিট কাৰ্ডৰ সৈতে খৰচ কৰিলে এয়াৰপৰ্ট লাউঞ্জত পাব সুবিধা
Rupay ক্ৰেডিট কাৰ্ডৰ জৰিয়তে নিৰ্ধাৰিত সীমাতকৈ অধিক খৰচ কৰিলে বিমানবন্দৰৰ লাউঞ্জতো বিশেষ সুবিধা লাভ কৰিব। ভাৰতীয় ৰাষ্ট্ৰীয় পেমেণ্ট কৰ্পৰেশ্যনে ২০২৫ চনৰ পৰা এই ব্যৱস্থা কৰিবলৈ ওলাইছে। একেদৰে ইউপিআই পেমেণ্ট ইন্টাৰফেছে এতিয়া তৃতীয় পক্ষৰ এপ অৰ্থাৎ বেংকৰ বাহিৰে আন এজেন্সীক সমৰ্থন কৰিব।
Continue Reading
