ডিজিটেল ডেস্কঃশেহতীয়াকৈ অযোধ্যাত ধুমধামেৰে ৰাম মন্দিৰ উদ্বোধন কৰা হৈছে। মন্দিৰৰ গৰ্ভগৃহত ৰামলালাৰ মূৰ্তি প্ৰতিষ্ঠা কৰা হৈছে। এতিয়া ৰাজস্থানে সেই দিনটোক বাৰ্ষিক উৎসৱ হিচাপে পালন কৰাৰ সিদ্ধান্ত লৈছে। জানিব পৰা মতে অহা ২২ জানুৱাৰীত ৰাজ্য খনৰ প্ৰতিখন চৰকাৰী বিদ্যালয়ত ৰাম লালা দিৱস পালন কৰা হ’ব। এই দিনটো বিদ্যালয়ৰ বাৰ্ষিক অনুষ্ঠানৰ কেলেণ্ডাৰত অন্তৰ্ভুক্ত কৰা হ’ব।জানিব পৰা মতে ৰাজস্থানৰ শিক্ষা বিভাগে ছাত্ৰ-ছাত্ৰীৰ মাজত সাংস্কৃতিক সজাগতা বৃদ্ধিৰ বাবে বিশেষ পদক্ষেপ গ্ৰহণ কৰিছে। বিদ্যালয়খনত আৰু কেইবাটাও উৎসৱ উদযাপন কৰা হ’ব বুলি জানিব পৰা গৈছে। তাৰে এটা হৈছে ৰাম লালা দিৱস।
অহা ২২ জানুৱাৰীত বিদ্যালয়সমূহত বিশেষ কাৰ্যসূচী অনুষ্ঠিত হ’ব। ৰামলালা দিৱসৰ মহত্ত্ব ছাত্ৰ-ছাত্ৰীক বুজোৱা হ’ব। আয়োজন কৰা হ’ব বিশেষ চিত্ৰাংকন প্ৰতিযোগিতাও। কেৱল সেয়াই নহয় সেইদিনা ছাত্ৰ-ছাত্ৰীসকলে ইজনে সিজনক ৰাখী পিন্ধাব।
মন কৰিবলগীয়া যে চলিত বৰ্ষৰ ২২ জানুৱাৰীত প্ৰধানমন্ত্ৰী নৰেন্দ্ৰ মোদীয়ে অযোধ্যাত ৰাম মন্দিৰৰ শুভাৰম্ভ কৰিছিল। এই অনুষ্ঠানলৈ দেশৰ বিভিন্ন প্ৰান্তৰ পৰা বিশিষ্ট লোকসকলক আমন্ত্ৰণ জনোৱা হৈছিল। অৱশ্যে দেশৰ ৪ শংকৰাচাৰ্যই ৰাম মন্দিৰ উদ্বোধনৰ আমন্ত্ৰণ নাকচ কৰিছিল। সনাতন ধৰ্মৰ নিয়ম উলংঘা কৰি এই কাৰ্যসূচী আয়োজন কৰা হৈছে বুলি সকলোৱে স্পষ্টকৈ জনাইছিল। আধৰুৱা মন্দিৰত (ৰাম মন্দিৰ) ভগৱান ৰামৰ জীৱন প্ৰতিষ্ঠা কৰাটো গ্ৰহণযোগ্য নহয় বুলিও বহুতে কৈছিল।
কিন্তু এনে আপত্তিৰ পিছতো ৰা মন্দিৰ উদ্বোধন কৰা হয়। তীৰ্থযাত্ৰীৰ বাবে মুকলি কৰি দিয়া হয় মন্দিৰৰ দুৱাৰ।
Continue Reading
