ডিজিটেল ডেস্কঃ কেন্দ্ৰীয় বাজেটত কৰ্মচাৰীয়ে পাব পাৰে ভাল খবৰ। ইপিএফৰ উৰ্ধ সীমা বাজেটত বৃদ্ধি পাব পাৰে। শেষবাৰৰ বাবে ইপিএফৰ উৰ্ধ সীমা ৬৫০০ৰ পৰা ১৫ হাজাৰ টকালৈ বৃদ্ধি পাইছিল। এইবেলি অনুমাণ কৰা হৈছে যে ইপিএফৰ উৰ্ধ সীমা ২৫ হাজাৰ টকালৈ বৃদ্ধি পাব পাৰে।উল্লেখ্য ব্যক্তিগত সংস্থাসমূহৰ কমেও ২০ জন কৰ্মচাৰী থাকিলে সেই ক্ষেত্ৰত তেওঁলোক ইপিএফৰ অধীনত আহে। বৰ্তমানৰ নিয়ম অনুসৰি ইপিএফ বাধ্যতামূলকভাৱে সেই সংস্থাটোৰ কৰ্মচাৰীসকলে গ্ৰহণ কৰে, যিয়ে সৰ্বোচ্চ মাহিলী দৰমহা ১৫ হাজাৰ টকা লাভ কৰে। সেই ক্ষেত্ৰত ১২ শতাংশ ধন প্ৰভিডেণ্ট ফাণ্ড হিচাপে জমা কৰা হয়। কোম্পানীয়ে আৰু ১২ শতাংশ দিব লাগিব। মুঠ ধনৰ ৮.৩৩ শতাংশ পেঞ্চন খণ্ডত জমা হয়। আৰু বাকী ৩.৬৭ শতাংশ ইপিএফ একাউণ্টত জমা হয়।
মন কৰিবলগীয়া যে এতিয়ালৈকে মুঠ ৯ বাৰ পিএফৰ সৰ্বোচ্চ উচ্চ সীমা সলনি কৰা হৈছে। শেষবাৰৰ বাবে বৃদ্ধি পাইছিল ২০১৪ চনত। ১০ বছৰৰ পিছত এই সীমা পুনৰ বৃদ্ধি পাব পাৰে বুলি ধাৰণা কৰা হৈছে।। বিত্তমন্ত্ৰী নিৰ্মলা সীতাৰমণে ২৩ জুলাইত মোদী ৩.০ চৰকাৰৰ প্ৰথমখন সম্পূৰ্ণ বাজেট দাখিল কৰিব। নতুন মোদী চৰকাৰৰ এই বাজেটক লৈ আশাৰ সঞ্চাৰ হৈছে। অনুমান কৰা হৈছে যে এইবাৰৰ বাজেটত ইপিএফৰ চিলিং বৃদ্ধি পাব পাৰে।
Continue Reading
