ডিজিটেল ডেস্কঃ সাপৰ ভয়ত ঘৰৰ পৰা ওলাই আহিছিল। কিন্তু তাতো নাপালে সাপৰ ভয়ৰ পৰা মুক্তি। আত্মীয়ৰ ঘৰত আশ্ৰয় লৈছিল যুৱকজনে। তাতো সাপে কামুৰিছিল। এবাৰ দুবাৰ নহয়, ৪০ দিনত সাতবাৰ মৃত্যুৰ মুখৰ পৰা উভতি আহিল যুৱকজন। বিশ্বাস কৰিব নোৱাৰা এই কাণ্ড সংঘটিত হৈছে উত্তৰ প্ৰদেশৰ ফতেহপুৰত৷
স্থানীয় সূত্ৰৰ পৰা জানিব পৰা মতে যুৱকজনৰ নাম বিকাশ ডুবে। কিছুদিন পূৰ্বে তেওঁক বিষাক্ত সাপে কামুৰিছিল। সংকটজনক অৱস্থাত চিকিৎসালয়ত ভৰ্তি। কিন্তু পিছত সুস্থ হৈ ঘৰলৈ উভতি আহে। জানিব পৰা মতে বিকাশ ফতেপুৰ জিলাৰ সৌৰা গাঁৱৰ বাসিন্দা। বৃহস্পতিবাৰে নিশা ককাকৰ ঘৰত সাপে কামুৰিছিল। কেৱল সেয়াই নহয়, বিকাশক ইয়াৰ পূৰ্বে ২-৬ জুলাইৰ ভিতৰত ছয়বাৰ সাপে কামুৰিছিল।
সাপৰ ভয়ত বিকাশে ঘৰৰ পৰা ওলাই ককাকৰ ঘৰত আশ্ৰয় লৈছিল। কিন্তু তাতো বৃহস্পতিবাৰে তেওঁক সাপে কামুৰিলে। ফলত সপ্তমবাৰৰ বাবে কামোৰ খাই চিকিৎসালয়ত ভৰ্তি হ’বলগীয়া হয়। এই ঘটনাক লৈ সমগ্ৰ পৰিয়ালটো চিন্তিত। বিকাশক কিয় বাৰে বাৰে সাপে কামুৰিছে সেই সন্দৰ্ভত ব্যাপক জল্পনা-কল্পনাৰ সৃষ্টি হৈছে। গাঁওখনত বিভিন্ন কাহিনীৰ প্ৰচাৰ আৰম্ভ হৈছে। বিকাশৰ পৰিয়ালৰ আশংকা যে তেওঁলোকৰ পুত্ৰ সপ্তম বাৰৰ বাবে বাচি গ’ল, যদি অষ্টম বা নৱম বাৰৰ বাবে কামোৰ খায় তেন্তে হয়তো তেওঁক ৰক্ষা কৰিব নোৱাৰিব।
২ জুনত প্ৰথমবাৰৰ বাবে সাপে কামুৰিছিল বিকাশক। তেতিয়াৰ পৰাই ৪০ দিনত সাপে সাপে দংশন কৰিছে। চাৰিটা সাপে কামোৰাৰ পিছত বিকাশে ঘৰৰ পৰা ওলাই আত্মীয়ৰ ঘৰত আশ্ৰয় লয়। কিন্তু তাতো তেওঁক সাপে কামুৰিলে।
Continue Reading
