৪০ টকা গ'ল, ৮০ লাখ আহিলঃ বংগৰ শ্ৰমিকৰ কপাল ফুলিল

তিৰুবনন্তপুৰম : পশ্চিম বংগৰ প্ৰব্ৰজনকাৰী কৰ্মীয়ে কেৰালা চৰকাৰৰ কৰুণ্য প্লাছ লটাৰীৰ পৰা ৮০ লাখ টকাৰ বাম্পাৰ পুৰস্কাৰ লাভ কৰা ঘটনাই সকলোতে চৰ্চিত হৈছে। পশ্চিম বংগৰ বাসিন্দা প্ৰতিভা মণ্ডল নামৰ এগৰাকী মহিলাই তিৰুবনন্তপুৰমলৈ নিৰ্মাণ শ্ৰমিক হিচাপে কাম কৰিবলৈ আহিছিল। তেওঁৰ ৪০ টকাৰ লটাৰীৰ ৩৫**০নম্বৰৰ টিকট ক্ৰয় কৰি বৃহস্পতিবাৰে লাখপতি হৈছিল।

আৰু পঢ়িব পাৰিব : ইনিংছ ব্যৱধানত পৰাস্ত ইংলেণ্ড, ৱৰ্ল্ড টেষ্ট চেম্পিয়নশ্বিপৰ ফাইনেললৈ ভাৰত

অপ্ৰত্যাশিত এই লটাৰী টিকটটো তেওঁৰ সৈতে ৰাখিবলৈ ভয় খাইছিল। তেওঁ তৎক্ষণাৎ কেৰালা আৰক্ষীৰ পৰা সহায় আৰু নিৰাপত্তা বিচাৰিছিল। প্ৰতিভা মণ্ডলে পোনপটীয়াকৈ পূজাপপুৰা আৰক্ষী থানালৈ গৈছিল আৰু তেওঁৰ সকলো কথা ব্যাখ্যা কৰিছিল। কেৰালাৰ আন বহুতো প্ৰব্ৰজিত শ্ৰমিকৰ দৰে, প্ৰতিভা মণ্ডলৰো বেংক একাউণ্ট নাই।

আৰু পঢ়িব পাৰিব : দুই সমষ্টিৰ পৰা প্ৰতিদ্বন্দ্বিতা কৰিব অখিল গগৈয়ে! ৰাইজৰ দলৰ প্ৰাৰ্থীৰ তালিকা ঘোষণা

আৰক্ষীয়ে পূজাপপুৰাৰ কানাড়া বেংকৰ শাখাত এটা একাউণ্ট খুলিবলৈ উপদেশ দিছিল। লগতে বেংকৰ বিষয়াসকলক আৰক্ষী থানালৈ লৈ আহিছিল আৰু বেংকৰ লকাৰত লটাৰী টিকটটো সুৰক্ষিতকৈ ৰখাৰ ব্যৱস্থা কৰিছিল। কেৱল হিন্দী কথা কোৱা প্ৰতিভা মণ্ডলে নাজানে তেওঁৰ ঠিকনা৷ সেয়েহে, আৰক্ষীয়ে তেওঁক তেওঁৰ পৃষ্ঠপোষকৰ সৈতে আহি বেংক একাউণ্ট খুলিবলৈ নিৰ্দেশ দিছিল। আৰক্ষীয়ে প্ৰতিভা মণ্ডলক তেওঁলোকৰ বাহনখন টিকট ৰখা বেংকলৈ যাবলৈ প্ৰদান কৰিছিল।