ডিজিটেল ডেস্ক: চাইবাৰ অপৰাধৰ বলি হৈ দেশৰ নাগৰিকে কোটি কোটি টকা হেৰুৱাইছে। যোৱা ৫ বছৰত ৬৫.৯ লাখটা চাইবাৰ অপৰাধৰ ঘটনাত ভাৰতীয়ৰ ৫৫,৬৫৯ কোটি টকা সৰকাই নিছে অপৰাধী চক্রই।
নেশ্যনেল চাইবাৰ অপৰাধ প'ৰ্টেলে প্রকাশ কৰা তথ্যৰ উদ্ধৃতি দি গৃহ মন্ত্র্যালয়ে এই উদ্বেগজনক খবৰ দিছে। ৰাজ্য সভাত বুধবাৰে কেন্দ্ৰীয় গৃহ ৰাজ্য মন্ত্রী বান্দী সঞ্জয় কুমাৰে কয় যে ২০২৫ চনত ২৪ লাখ চাইৱাৰ অপৰাধৰ অভিযোগ আহিছিল।
২০২৪ত ১৯.২ লাখ, ২০২৩ত ১৩.১ লাখ, ২০২২ত ৬.৯ লাখ আৰু ২০২১ চনত ২.৬ লাখটা চাইবাৰ অপৰাধ ভাৰতত সংঘটিত হয়। আনহাতে, চাইবাৰ অপৰাধৰ বলি হৈ ভাৰতীয়ই ২০২৫ চনত ২২,৪৯৫ কোটি টকা আৰু ২০২৪৩ ২২,৮৪৮ কোটি টকা হেৰুৱায়।
উৎসঃ দৈনিক জনমভূমি
Continue Reading
