ডিজিটেল ডেস্ক : কেন্দ্ৰীয় চৰকাৰে যক্ষ্মা ৰোগ নির্মূলৰ বাবে লোৱা লক্ষ্য এতিয়া সুদূৰপৰাহত যেন পৰিলক্ষিত হৈছে।
উল্লেখযোগ্য যে কেন্দ্ৰীয় চৰকাৰে চলিত বছৰৰ ভিতৰত দেশৰ পৰা যক্ষ্মা ৰোগ নির্মূলৰ লক্ষ্য লৈছিল, কিন্তু ২০২৫ বর্ষ শেষ হ'বলৈ এমাহ বাকী থকা অৱস্থাত দেশত যক্ষ্মা ৰোগীৰ সংখ্যা প্রায় ডেৰ গুণ বৃদ্ধি পোৱা বুলিহে তথ্য লাভ কৰা হৈছে।
চৰকাৰী তথ্যত এই কথা কোৱা হৈছে। ২০২০ বর্ষত দেশত যক্ষ্মা ৰোগৰ সংখ্যা আছিল ১৮,০৫,৬৭০জন। যোৱা বছৰ দেশত যক্ষ্মা ৰোগীৰ সংখ্যা ২৬,১৭,৯২৩জনলৈ বৃদ্ধি পায়।
উল্লেখযোগ্য যে ৰাষ্ট্ৰীয় যক্ষ্মা নিমূলকৰণ কাৰ্যসূচীৰ (এন টি ই পি) অধীনত ভাৰতে ২০২৫ বৰ্ষৰ ভিতৰত দেশৰ পৰা যক্ষ্মা ৰোগ সম্পূৰ্ণৰূপে নির্মূল কৰাৰ লক্ষ্য লৈছিল। এন টি ই পিক বিশ্বৰ ভিতৰত অন্যতম উচ্চাভিলাষী আঁচনি বুলি গণ্য কৰা হৈছিল। তথ্য জনাৰ অধিকাৰ আইনৰ অধীনত কেন্দ্ৰীয় চৰকাৰৰ স্বাস্থ্য আৰু পৰিয়াল কল্যাণ ম্যালৰ কেন্দ্ৰীয় যক্ষ্মাৰোগ বিভাগে এই তথ্য প্রকাশ কৰে।
বিভাগে প্রকাশ কৰা তথ্য মতে চলিত বছৰক অক্টোবৰলৈকে দেশত মুঠ যক্ষ্মা ৰোগীৰ সংখ্যা হ'ল ২০,৭৭,৫৯১জন। তথ্য জনাৰ অধিকাৰ আইনৰ অধীনত লাভ কৰা তথ্য মতে দেশত ২০২০ চনত ১৮,০৫৬৭০জন, ২০২১৩ ২১,৩৫,৮৩০জন, ২০২২ত ২৪,২২,১২১জন, ২০২৩৩ ২৫,৫২,২৫৭জন আৰু ২০২৪ত ২৬,১৭,৯২৩জন যক্ষ্মা ৰোগী আছিল।
আনহাতে প্রতি এক লাখ জনসংখ্যাৰ ভিতৰত যক্ষ্মা ৰোগীৰ সংখ্যা ২০২০ চনত ১৩১জনৰ পৰা চলিত বছৰত ১৯৫জনলৈ বৃদ্ধি পাইছে। উত্তৰ প্ৰদেশত চলিত বছৰৰ জুনলৈকে দেশৰ ভিতৰত সৰ্বাধিক ৩,৩৮,৯৮৭জন যক্ষ্মা ৰোগী আছে। অৱশ্যে যোৱা বছৰৰ তুলনাতক ৰাজ্যখনত যক্ষ্মা ৰোগীৰ সংখ্যা হ্রাস পাইছে। আনহাতে ৰাজধানী দিল্লীত চলিত বছৰল জুনলৈকে ৬২,৩৪২জন, মহাৰাষ্ট্ৰত ১,১৫,৩০৩জন ৰোগী আছে।
আনহাতে যক্ষ্মা ৰোগীআটাইতকৈ কম থকা ৰাজ্য তথা কেন্দ্রীয় শাসিত অঞ্চলৰ ভিতৰত সকলোৰে আগত আছে লাক্ষাদ্বীপ। লাক্ষাদ্বীপত যোৱা জুনলৈকে মাত্র ৯জন ৰোগী আছে। আনহাতে যোৱা পাঁচ বছৰত একেৰাহে যক্ষ্মা ৰোগীৰ সংখ্যা বৃদ্ধি পোৱা ৰাজ্যৰ তালিকাত সকলোৰে আগত আছে বিহাৰ। বিহাৰত ২০২০ চনত ৯৮,৯৯৪জনৰ পৰা ৰোগীৰ সংখ্যা যোৱা বছৰ ২,০৪,৩০৯জনলৈ বৃদ্ধি পাইছে।
হাৰিয়ানাতো যক্ষ্মা ৰোগীৰ সংখ্যা ক্রমান্বয়ে বৃদ্ধি পোৱা পৰিলক্ষিত হৈছে। বিহাৰত দেশৰ ভিতৰতে সৰ্বাধিক সংখ্যক যক্ষ্মা ৰোগী আছে। ইয়াৰ পাছতে মধ্য প্রদেশ (৮৯.৮৩ হাজাৰ), ৰাজস্থান (৮৯,২১৫), গুজৰাট (৬৯,৯১৮) স্থান পাইছে।
উৎসঃ দৈনিক জনমভূমি
Continue Reading
