ডিজিটেল ডেস্ক : প্ৰতি বছৰে ২০ মাৰ্চত আন্তৰ্জাতিক সুখ দিৱস পালন কৰা হয়।২০১২ চনৰ জুন মাহত ৰাষ্ট্ৰসংঘৰ সাধাৰণ পৰিষদে প্ৰতিষ্ঠা কৰা আন্তৰ্জাতিক সুখ দিৱসৰ লক্ষ্য হৈছে মানুহে নিজৰ জীৱনত সুখ আৰু মংগলৰ গুৰুত্ব উপলব্ধি কৰা। এই উপলক্ষে আজি (২০ মাৰ্চ) অক্সফৰ্ড বিশ্ববিদ্যালয়ৰ ৱেলবিয়িং ৰিচাৰ্চ চেণ্টাৰ, গ্যালাপ আৰু ৰাষ্ট্ৰসংঘৰ বহনক্ষম উন্নয়ন সমাধান নেটৱৰ্কৰ দ্বাৰা পৰিচালিত বিশ্ব সুখৰ প্ৰতিবেদন প্ৰকাশ পায়। প্ৰতিবেদনত সামাজিক সমৰ্থন, আয়, আয়ুস, আৰু দুৰ্নীতিৰ মাত্ৰা আদিকে ধৰি বিভিন্ন মাপকাঠীৰ ভিত্তিত দেশসমূহৰ ৰেটিং দিয়া হৈছে।
সুখী দেশৰ তালিকাত প্ৰথম স্থানত আছে ফিনলেণ্ড। একেৰাহে ৮ বাৰৰ বাবে ফিনলেণ্ডে এই স্থান দখল কৰিবলৈ সক্ষম হয়। সুখী দেশৰ তালিকাত থকা শীৰ্ষ ১০ খন দেশৰ নাম তলত উল্লেখ কৰা হ’ল-
১)ফিনলেণ্ড
২)ডেনমাৰ্ক
৩)আইচলেণ্ড
৪)ছুইডেন
৫)নেডাৰলেণ্ড
৬)কোষ্টা ৰিকা
৭)ন’ৰৱে
৮)ইজৰাইল
৯)লাক্সেমবাৰ্গ
১০)মেক্সিকো
আন্তৰ্জাতিক সুখ দিৱস উপলক্ষে বৃহস্পতিবাৰে ৰাষ্ট্ৰসংঘই ২০২৫ চনৰ বিশ্ব সুখ প্ৰতিবেদন( world happiness index) প্ৰকাশ কৰে। এই প্ৰতিবেদনত ১৪৭ খন দেশৰ ভিতৰত ভাৰতৰ স্থান আছে ১১৮ নম্বৰত।
ৱৰ্ল্ড হেপিনেছ ৰিপৰ্ট ২০২৫ অনুসৰি ভাৰত ১৪৭খন দেশৰ ভিতৰত ১১৮ নম্বৰ স্থানত অব্যাহত আছে। ইফালে যুক্তৰাজ্য ২৩, আমেৰিকা ২৪, চীন ৬৮, নেপাল ৯২, পাকিস্তান ১০৯ নম্বৰত। ২০২৫ চনৰ বিশ্ব সুখ প্ৰতিবেদনত আফগানিস্তানে শেষ স্থান লাভ কৰিছে।
Continue Reading
