ডিজিটেল ডেস্কঃ জ্যেষ্ঠ নাগৰিকসকলক তেওঁলোকৰ সন্তানে অথবা নিকট আত্মীয়ই যতন লোৱাত ব্যর্থ হ'লে তেওঁলোকলৈ আগবঢ়োৱা যিকোনো সা-সম্পত্তিৰ চুক্তি 'বাতিল কৰিব পাৰে জ্যেষ্ঠ নগৰিকসকলে।
সা-সম্পত্তিৰ উত্তৰাধিকাৰী সূত্ৰে সন্তানে লাভ কৰিব বুলি চুক্তিখনৰ চৰ্তাৱলীত স্পষ্টকৈ উল্লেখ থাকিলেও আনকি এই চুক্তি বাতিল কৰিব পাৰে জ্যেষ্ঠ নাগৰিকসকলে। মাদ্রাজ উচ্চ ন্যায়ালয়ে এই গুৰুত্বপূৰ্ণ ৰায় প্ৰদান কৰে।
এগৰাকী মৃত মহিলা এছ নাগালক্ষ্মীৰ বোৱাৰী এছ মালাই জনোৱা আৱেদনখন নাকচ কৰি মাদ্রাজ উচ্চ ন্যায়ালয়ৰ ন্যায়াধীশ এছ এম সুমণিয়াম আৰু কে ৰাজশেখৰৰে গঠিত পীঠখনে এই ৰায় দিয়ে।
পূৰ্বতে মৃত নাগালক্ষ্মীয়ে তেওঁৰ পুত্ৰ কেশৱনৰ নামত এখন সম্পত্তি নিষ্পত্তিকৰণৰ চুক্তি সম্পাদন কৰিছিল। আৰু তেওঁৰ জীৱিত কালত যতন লোৱাৰ বাবে পুত্ৰৰ পৰা আশা কৰিছিল। কিন্তু মহিলাগৰাকীৰ জীৱিত কালত তেওঁৰ পুত্ৰ-বোৱাৰীয়ে তেওঁক যতন লোৱাত ব্যর্থ হৈছিল আৰু তেওঁক অৱহেলা কৰিছিল।
উৎস- দৈনিক জনমভূমি
Continue Reading
