ডিজিটেল ডেস্কঃ ইৰাণ আৰু ইজৰাইলৰ মাজত উত্তেজনা বৃদ্ধি পাইছে। দুয়োখন দেশৰ মাজত হোৱা উত্তেজনাই পশ্চিম এছিয়াত উত্তেজনাৰ পৰিৱেশৰ সৃষ্টি কৰিছে। ফলত এনে পৰিস্থিতিত ইউৰোপলৈ যোৱা এয়াৰ ইণ্ডিয়াৰ বিমানে ইৰাণৰ আকাশমাৰ্গ বাইপাছ কৰি থকা বুলি দাবী কৰিছে এক সূত্ৰই।
কোনো ধৰণৰ অশুভ পৰিস্থিতিৰ পৰা হাত সাৰিবলৈ তেওঁক ইউৰোপলৈ বাটভ্ৰমণ কৰিবলৈ পৰামৰ্শ দিয়া হৈছে বুলি সূত্ৰটোৱে দাবী কৰিছে। ইৰাণ আৰু ইজৰাইলৰ মাজত চলি থকা ‘ছাঁয়া যুদ্ধ’ই পশ্চিম এছিয়াৰ পৰিস্থিতি উত্তপ্ত কৰি তুলিছে। ইৰাণৰ আকাশমাৰ্গ এৰাই চলাৰ সিদ্ধান্ত দুয়োখন দেশৰ ভাবুকি আৰু প্ৰতি ভাবুকিৰ বাবে সম্ভাৱ্য যুদ্ধ পৰিস্থিতিৰ আশংকাত লোৱা বুলিও সূত্ৰটোৱে দাবী কৰে। এই বাটভ্ৰমণৰ ভাড়াৰ পৰিৱৰ্তন হ’ব নে নহয় সেয়া স্পষ্ট হোৱা নাই।
শুকুৰবাৰে আমেৰিকাৰ চোৰাংচোৱা সূত্ৰই দাবী কৰিছিল যে ইৰাণে ৪৮ ঘণ্টাৰ ভিতৰত ইজৰাইলক আক্ৰমণ কৰিব পাৰে। খবৰ ওলোৱাৰ লগে লগে ভাৰত চৰকাৰ কঁপি উঠিল। বৈদেশিক পৰিক্ৰমা মন্ত্ৰালয়ে এক বিবৃতিযোগে ভাৰতীয়সকলক ইৰাণ আৰু ইজৰাইললৈ যাত্ৰা নকৰিবলৈ পৰামৰ্শ দিয়ে।
কেৱল সেয়াই নহয়, ইৰাণ-ইজৰাইললৈ ভাৰতীয়ক নিষিদ্ধ কৰাৰ উপৰিও বৈদেশিক পৰিক্ৰমা মন্ত্ৰালয়ে সেই দুখন দেশত থকা ভাৰতীয়সকলকো সকীয়াই দিছে। ইজৰাইল আৰু ইৰাণত বসবাস কৰা ভাৰতীয়সকলক অনতিপলমে ভাৰতীয় দূতাবাসৰ সৈতে যোগাযোগ কৰিবলৈ কোৱা হৈছে। লগতে নাম পঞ্জীয়ন কৰিবলৈ কোৱা হৈছে।
Continue Reading
