বৰাকত মিনি ছেক্ৰেটেৰিয়েট স্থাপনৰ আশ্বাস প্ৰধানমন্ত্ৰীৰ !

কৰিমগঞ্জঃ বিধানসভা নিৰ্বাচনৰ দিন চমু চাপি অহাৰ লগে লগে ৰাজ্যজুৰি নিৰ্বাচনী প্ৰচাৰ তুংগত উঠিছে। নিৰ্বাচনী প্ৰচাৰৰ বাবে আজি অসমলৈ আহিছে প্ৰধানমন্ত্ৰী নৰেন্দ্ৰ মোদী। কৰিমগঞ্জৰ ভাটগ্ৰামৰ নিৰ্বাচনী প্ৰচাৰ সভাত উপস্থিত থাকে প্ৰধানমন্ত্ৰীগৰাকী। সভাত প্ৰধানমন্ত্ৰীক আদৰণি জনায় মন্ত্ৰী ড০ হিমন্ত বিশ্ব শৰ্মাই।

আৰু পঢ়িব পাৰিব : ‘অজাপ বিজেপিৰ বি’টিম’ – মন্তব্য দলত্যাগী নেতাৰ !

ভাষণৰ আৰম্ভণিতে কৰিমগঞ্জবাসীক ‘নমস্কাৰ কৰিমগঞ্জ’-বুলি বাংলাতে সম্বোধন কৰে মোদীয়ে। সুভাষ চন্দ্ৰ বসু, লাচিত বৰফুকনৰ বীৰত্বক স্মৰণ প্ৰধানমন্ত্ৰীগৰাকীৰ। ‘মুখ্যমন্ত্ৰী সোণোৱালৰ নেতৃত্বত ৰাজ্যত বিকাশৰ ধাৰা বৈছে’- বুলিও ব্যক্ত কৰে মন্ত্ৰীগৰাকীয়ে। দৌল উৎসৱ, বাঙালী নৱবৰ্ষৰ শুভেচ্ছা জ্ঞাপন কৰে প্ৰধানমন্ত্ৰী মোদীয়ে।

আৰু পঢ়িব পাৰিব : দুদিনীয়া কাৰ্যসূচীৰে কাইলৈ অসমলৈ আহিব কংগ্ৰেছৰ যুৱৰাজ !

বৰাকত মিনি ছেক্ৰেটেৰিয়েট স্থাপনৰ আশ্বাস প্ৰধানমন্ত্ৰীগৰাকীৰ। মীন পালনৰে অসমক স্বাৱলম্বী কৰাৰ আশ্বাস মোদীৰ। লগতে তেওঁ ভাষণ প্ৰসংগত উল্লেখ কৰে যে, ‘বৰাক উপত্যকাক বিকশিত কৰিছে এনডিএ চৰকাৰে’। বৰাকত ৰে’ল সেৱাও উন্নত হোৱা বুলি প্ৰধানমন্ত্ৰীগৰাকীয়ে উল্লেখ কৰে। অসমৰ চাহৰ প্ৰসংগতো তেওঁ মন্তব্য আগবঢ়ায়। লাখ লাখ লোকক ভূমিপট্টা বিজেপি চৰকাৰে প্ৰদান কৰাৰ কথা ব্যক্ত কৰাৰ লগতে কংগ্ৰেছক ক্ষুৰধাৰ সমালোচনা কৰে প্ৰধানমন্ত্ৰীগৰাকীয়ে।