ক্ৰমাৎ গুৰুত্বহীন হৈছে নেকি বিধায়ক ভৱেশ কলিতা?

ডিজিটেল ডেস্কঃ ক্ৰমাৎ গুৰুত্বহীন হৈছে নেকি বিধায়ক ভৱেশ কলিতা? ৰাজনৈতিক প্ৰেক্ষাপটত শেহতীয়াকৈ এই প্ৰশ্ন উত্থাপন হৈছে। শেহতীয়াকৈ বিজেপি প্ৰাক্তন সভাপতি, প্ৰাক্তন মন্ত্ৰী, তথা ৰঙিয়াৰ বিধায়ক ভৱেশ কলিতাৰ ৰাজনৈতিক প্ৰেক্ষাপটতত লাগিছে আউল। সেই ছবি ফুটি উঠিছে এক উদ্বোধনী অনুষ্ঠানত।

দুদিন আগত গোৰেশ্বৰ মণ্ডল বিজেপি কাৰ্যালয় উদ্বোধন কৰিবলৈ আহিছিল মুখ্যমন্ত্ৰী হিমন্ত বিশ্ব শৰ্মা। ২০২২ ৰ ১৭ আগষ্টত আধাৰশিলা স্থাপন কৰিছিল বিধায়ক ভৱেশ কলিতাই , কিন্তু উদ্বোধনী অনুষ্ঠানত নাম নিদিলে বিধায়ক ভৱেশ কলিতাৰ।

মঞ্চত থকা বেনাৰতো নাম নিদিলে বিধায়ক ভৱেশ কলিতাৰ। মঞ্চত উপস্থিত হৈ দুখ মনে বহি থাকিল বিধায়ক ভৱেশ কলিতা।

সাংবাদিকে কৰা প্ৰশ্নত ভৱেশ কলিতাই কয় যে ''মোৰ সমষ্টি এতিয়া ৰঙিয়া, গোৰেশ্বৰ সমষ্টিৰ সংগঠনৰ কাম কাজ মই নাচাও, উন্নয়নৰ কামখিনিহে মই চাম। অনুষ্ঠানত মোৰ নাম নিদিলেও আক্ষেপ নাই কিয়নো মোক গোটেই ভাৰতৰ মানুহে চিনি পায়! মই এতিয়া সভাপতি নহয়,মোক আপোনালোকে উল্টা পুল্টা প্ৰশ্ন নকৰিব।''

এনেকৈ কৈয়েই সন্তুষ্টি লভিলে নেকি ক্ৰমাৎ এলাগী হোৱা বিধায়ক ভৱেশ কলিতাই? সেয়াই এতিয়া লাখটকীয়া প্ৰশ্ন হৈ পৰিছে।