ডিজিটেল ডেস্ক : আজি বিধানসভাত বিধায়কৰ মাজত সৃষ্টি হয় এক উত্তপ্ত পৰিস্থিতি। বিধায়ক শ্বেৰমান আলীলৈ চোঁচা ল’লে ৰূপজ্যোতি কুৰ্মীয়ে। বিধানসভাত ভাষণৰ মাজতে সংঘটিত হয় এই ঘটনা। বিধানসভাত সৃষ্টি হোৱা হুলস্থূলীয়া পৰিৱেশৰ মাজতে ৰূপজ্যোতি কুৰ্মীক বুজনি দিয়াৰ চেষ্টা নোমল মোমিনৰ। ইফালে এই হুলস্থূলীয়া পৰিৱেশৰ মাজতে ক্ষমা খুজিলে বিধায়ক ৰূপজ্যোতি কুৰ্মীয়ে। ৰূপজ্যোতিৰ বিৰুদ্ধে ব্যৱস্থা গ্ৰহণৰ দাবী অখিল গগৈৰ।
এই উত্তপ্ত পৰিস্থিতিৰ পাছত প্ৰতিক্ৰিয়া প্ৰকাশ কৰি বিধায়ক শ্বেৰমান আলীয়ে কয়, “অসম বিধানসভাত আজি এয়া নজিৰবিহীন ঘটনা হ’ল। আজিলৈ এনে ঘটনা হোৱা নাই। অধ্যক্ষই যি শাস্তি দিব লাগিছিল নিদিলে। একেবাৰে লঘু শাস্তি দিলে। ৰূপজ্যোতি কুৰ্মীক গোটেই বছৰৰ বাবে নিলম্বন কৰিব লাগে।”
আনহাতে এই সমগ্ৰ ঘটনাৰ সন্দৰ্ভত নিজৰ ভুল স্বীকাৰ কৰি ক্ষমা বিচৰাৰ লগতে প্ৰতিক্ৰিয়া ব্যক্ত কৰে বিধায়ক ৰূপজ্যোতি কুৰ্মীয়ে। ৰূপজ্যোতি কুৰ্মীয়ে কয়, “মোৰ বিধানসভাত ২০ বছৰীয়া অভিজ্ঞতা হৈছে। চাহ জনগোষ্ঠীক লৈ নিজকে ৰজাঘৰীয়া বুলি ভবা অখিল গগৈ, দেৱব্ৰত শইকীয়াই ব্ৰিটিছৰ দৰেই নীতি লৈ অপমান কৰি আহিছিল। ধোদৰ আলিক লৈ মই বক্তব্য ৰাখিছিলোঁ। সেই সময়ত মাত মতাত মই খঙত যি কৰিলোঁ তাৰ বাবে ক্ষমা বিচাৰিছোঁ।
উৎসঃ দৈনিক জনমভূমি
Continue Reading
