ডিজিটেল ডেস্কঃ ৰবটৰ বিৰুদ্ধে মহিলাক ‘হাৰাশাস্তি’ৰ অভিযোগ! ছৌদি আৰৱৰ প্ৰথমটো পুৰুষ ৰবট মহম্মদে এখন অনুষ্ঠানৰ সময়ত এগৰাকী মহিলা সাংবাদিকৰ সৈতে ‘অনুচিত আচৰণ’ কৰাৰ অভিযোগ। সেই ভিডিঅ’ ইতিমধ্যে ছ’চিয়েল মিডিয়াত বিয়পি পৰিছে। অৱশ্যে প্ৰাগ নিউজে ভিডিঅ’টোৰ সত্যতা পৰীক্ষা কৰা নাই।
ভিডিঅ’টোত দেখা গৈছে যে এগৰাকী মহিলা সাংবাদিকে মহম্মদৰ সন্মুখত থিয় হৈ এটা অনুষ্ঠানত ভাষণ দি আছিল। তাৰ পিছতে ৰবটৰ হাতখনে সাংবাদিকজনৰ নিতম্ব স্পৰ্শ কৰা দেখা গ’ল। তেওঁ আচৰিত হ’ল।
৪ মাৰ্চত ৰিয়াদৰ এক অনুষ্ঠানত প্ৰথমবাৰৰ বাবে ৰাজহুৱাভাৱে প্ৰকাশ পাইছিল মহম্মদৰ। তাতেই তেওঁ কাণ্ড সংঘটিত কৰিছিল। এই ভিডিঅ’টো ছচিয়েল মিডিয়াত আঠ লাখৰো অধিক লোকে চালে। বহু ব্যৱহাৰকাৰীয়ে এই ৰবটটোৰ বিৰুদ্ধে মহিলা সাংবাদিকক ‘হাৰাশাস্তি’ কৰাৰ অভিযোগ উত্থাপন কৰিছে।
Continue Reading
