ডিজিটেল ডেস্কঃ বৰ্তমান সমগ্ৰ দেশতে প্ৰিয় খাদ্যৰ তালিকাত আছে তিব্বত - নেপালৰ প্ৰিয় প্ৰস্তুতি – ম’ম’। এতিয়া ষ্ট্ৰীট ফুডৰ তালিকাত ম’ম’ৰ স্থান শীৰ্ষত থকা বুলি ক’লেও বঢ়াই কোৱা নহ’ব নিশ্চয়। সিজোৱা, ফ্ৰাইড বা তন্দুৰী, ভেজ কিম্বা নন ভেজ। মুঠতে জনপ্ৰিয়তাৰ শিখৰত ম’ম’। কিন্তু এই ম’ম’ক কেন্দ্ৰ কৰিয়েই ঘটিছে এক অনাকাংক্ষিত ঘটনা।
ম’ম’ খোৱাৰ পিছতে ডিঙিত লাগি এজন লোকৰ মৃত্যু হয়। আচৰিত যেন লাগিলেও এই কথা পোহৰলৈ অহাৰ পাছতে বিষয়টো গুৰুত্বসহকাৰে লোৱা দেখা গৈছে চিকিত্সা বিজ্ঞানে। সৰ্বভাৰতীয় চিকিৎসা বিজ্ঞান প্ৰতিষ্ঠান অৰ্থাত্ এইমছেও বিষয়টোক লৈ অধিক তত্পৰ হৈ পৰা দেখা গৈছে, জাৰী কৰিছে কঠোৰ নিৰ্দেশনাও।
জানিব পৰা মতে, ম’ম’ খাই থাকোতে ৫০ বছৰীয়া এজন লোকৰ মৃত্যু হয়। খাই থকা অৱস্থাত ডিঙি লাগি শ্বাসৰুদ্ধ হৈ পৰে ব্যক্তিজনৰ। ইয়াৰ পিছতে দিল্লীৰ এইমছে জাৰী কৰে এক নিৰ্দেশনা। কয়, ‘ম’ম’ খোৱাৰ সময়ত অতি সাৱধানে গিলিব লাগে।’
আৰক্ষীৰ প্ৰাথমিক অনুসন্ধানত ব্যক্তিজন সুৰাসক্ত অৱস্থাত থকা বুলি সন্দেহ কৰা হৈছিল। অৱশ্যে, মৰণোত্তৰ পৰীক্ষাৰ প্ৰতিবেদনত পোহৰলৈ আহে প্ৰকৃত ঘটনাৰ প্ৰেক্ষাপট। ব্যক্তিজনৰ শ্বাসনলীত ম’ম’ লাগি ধৰা বুলি মৰণোত্তৰ পৰীক্ষাত জানিবলৈ পোৱা যায়। ব্যক্তিজনৰ মৃত্যুৰ কাৰণ হিচাপে নিউৰ’জেনিক কাৰ্ডিয়াক এৰেষ্ট বুলি চিনাক্ত কৰা হৈছে। শেহতীয়াকৈ, জাৰ্নেল অৱ ফৰেনছিক ইমেজিঙত প্ৰকাশিত এই ঘটনাক ফৰেনছিক চিকিৎসকে বিৰল পৰিঘটনা বুলি প্ৰকাশ কৰিছে।
Continue Reading
