খাদ্য ৰান্ধি ৰান্ধি দুই পত্নী হায়ৰাণ! এইজন মানুহে দৈনিক খায় ৮০খন ৰুটী, ৩কেজি ভাত, ২কেজি মাটন!

১৮০ কেজি ওজনৰ এই ব্যক্তিজনৰ নাম হৈছে মহম্মদ ৰফিক আদনান। তেওঁ বিহাৰৰ কাটিহাৰৰ বাসিন্দা। মহম্মদ ৰফিক আদনানৰ বয়স মাত্ৰ ৩০ বছৰ। ৰফিকে নিজৰ সন্দৰ্ভত কয় যে, ''মোৰ দেউতাই গুদামত কাম কৰিছিল আৰু মা গৃহিণী আছিল। আমি ১০ জন ভাই-ভনী, য’ত ৬ গৰাকী ভগ্নী আৰু ৪ জন ভাই আছে। মই সৰু। পঞ্চম মানলৈকে পঢ়া-শুনা কৰিছো। মোৰ মনত আছে যেতিয়া মোৰ বয়স ১৫ বছৰ আছিল তেতিয়াও মোৰ ওজন আছিল ৮০ কিলোগ্ৰাম। কিন্তু সেই সময়ত ইমান ওজন নথকাৰ বাবে মই খেলিছিলোঁ। তাৰ পিছত লাহে লাহে মোৰ ভোক বাঢ়ি আহিল আৰু মোৰ ওজনো বাঢ়ি আহিল। মই যি পাওঁ তাকে খাবলৈ ধৰিলো।  আজি মোৰ ওজন ১৮০ কেজি আৰু ২০-৩০ খোজো খোজ কাঢ়িব নোৱাৰো। খোজ কাঢ়িবলৈ চেষ্টা কৰাৰ লগে লগে মই ভাগৰি পৰো আৰু তাৰপিছতে মই বহিব লগা হয়। যদি কেতিয়াবা ক'ৰবাত যাবলগীয়া হয় তেন্তে বাইকেৰে যাওঁ। কেতিয়াবা গাড়ীখনেও মোৰ ওজন বহন কৰিব নোৱাৰে। গোটেই দিনটো মই গাঁৱৰ মানুহৰ লগত কথা পাতি থাকোঁ আৰু ঘৰৰ বাহিৰত এখন বিচনাত শুই থাকোঁ।''

ৰফিকে কয় যে, মই দিনটোত ৩ বাৰ খাদ্য খাওঁ। ইমান ভোক লাগে যে গোটেই পৰিয়ালটোৰ খাদ্যৰ ১০ গুণ অকলে মই খাব পাৰো। ১ বেগ চাউল (৫০ কেজি) আমাৰ পৰিয়ালত সাত দিনো নাযায়। অকলে মই দৈনিক প্ৰায় ২-৩ কেজি ভাত খাওঁ। ইয়াৰ লগতে মই ২ লিটাৰ গাখীৰ, ১-২ কেজি মাটন বা কুকুৰাও খাওঁ। মই প্ৰায় ৩-৪ কেজি আটাৰ ৰুটি খাওঁ। ৩-৪ কেজি আটাৰ ৰুটি অৰ্থাৎ ৮০খনৰো অধিক ৰুটী খাব পাৰে ৰফিকে। উল্লেখ্য যে মহম্মদ ৰফিক আদনানৰ আছে দুগৰাকী পত্নী। দুই পত্নীয়ে মিলি ইমানখিনি খাদ্য ৰান্ধি ৰফিকৰ মুখৰ আগত যোগান ধৰে। দুই পত্নীয়ে ৰফিকৰ বাবে খাদ্য ৰান্ধি ৰান্ধি হায়ৰাণো হৈ পৰে। মুম্বাইৰ ফৰ্টিছ হাস্পতালৰ কনচালটেণ্ট-চাইকিয়াট্ৰিষ্ট ডাঃ ফেবিয়ান আলমেইদাই কয় যে ৰফিকে ভুগি থকা Eating disorder ৰোগ হৈছে এক প্ৰকাৰৰ মানসিক বিকাৰ, য’ত এজন ব্যক্তিয়ে কেতিয়াবা প্ৰয়োজনতকৈ বেছিকৈ খায় আৰু কেতিয়াবা প্ৰয়োজনতকৈ কমকৈ খায়।