ডিজিটেল ডেস্কঃ নেপালে অতি সোনকালে মাউণ্ট এভাৰেষ্টলৈ যোৱা সকলো পৰ্বতাৰোহীৰ বাবে ইলেক্ট্ৰনিক চিপ লৈ যোৱাটো বাধ্যতামূলক কৰি তুলিব। বিশ্বৰ সৰ্বোচ্চ শৃংগত যিকোনো জৰুৰীকালীন অৱস্থাত উদ্ধাৰত সহায়ক হ’ব ই।
যেতিয়া মাউণ্ট এভাৰেষ্টৰ বাবে বগাই যোৱাৰ বতৰ আৰম্ভ হ’ব চৰকাৰে অতি সোনকালে এই বছৰৰ বসন্তৰ পৰা আৰম্ভ কৰি এনে চিপ বাধ্যতামূলক কৰাৰ বাবে নিয়ম প্ৰণয়ন কৰিব। এই চিপছৰ দাম প্ৰায় ১০ৰ পৰা ১৫ ডলাৰ হ’ব বুলি জনা গৈছে।
ভাৰত আৰু নেপালকে ধৰি সমগ্ৰ বিশ্বৰ হাজাৰ হাজাৰ পৰ্বতাৰোহীয়ে ৮,৮৪৯ মিটাৰ (২৯,০৩২ ফুট) উচ্চতাৰ মাউণ্ট এভাৰেষ্ট অৰ্থাৎ নেপালী ভাষাত সাগৰমাথাৰ প্ৰতি আকৰ্ষিত হয়। ইয়াৰে কেইবাজনো শিখৰত উপনীত হয় যদিও কিছুমানে হয় প্ৰাণ হেৰুৱায় নহয় আৰোহণ বা নামি যোৱাৰ সময়ত গুৰুতৰভাৱে আঘাতপ্ৰাপ্ত হয়।
নেপাল চৰকাৰৰ তথ্য অনুসৰি ১৯৫৩ চনৰ পৰা ৩০০ জন ব্যক্তিয়ে প্ৰাণ হেৰুৱাইছে। ২০২৩ চনৰ বসন্তকালত ২২ মে’লৈকে নেপালী বিষয়াসকলে জনোৱা মতে, মাউণ্ট এভাৰেষ্টলৈ নিজ নিজ অভিযানৰ সময়ত চাৰিজন নেপালী, এজন ভাৰতীয় আৰু এজন চীনাকে ধৰি ১২ জন পৰ্বতাৰোহীৰ মৃত্যু হয়।
১৮ হাজাৰ ফুট উচ্চতাত অৱস্থিত এভাৰেষ্ট বেছ কেম্প। বেছ কেম্পৰ পৰা ছামিটলৈকে যিকোনো অনুসন্ধান আৰু উদ্ধাৰ অভিযান বৰফৰ ধুমুহা, হিমস্খলন আৰু অন্যান্য চৰম বতৰৰ পৰিঘটনাৰ বাবে এক বিৰক্তিকৰ কাম হৈ পৰে।
Continue Reading
