গোসাঁইগাঁৱৰ শ্ৰীৰামপুৰত চাৰিখনকৈ শিল ভৰ্তি ডাম্পাৰ জব্দ

ডিজিটেল ডেস্ক: অসম চৰকাৰৰ বনমন্ত্ৰীয়ে কঠোৰ নিৰ্দেশনা দিয়াৰ পিছতে সষ্টম হৈ পৰিছে বন বিভাগ। ঠিক একেদৰে মটৰ পৰিবহন বিভাগেও অধিক সষ্টম হৈ ৰাজহ সংগ্ৰহ কৰিবলৈ উঠি পৰি লাগিছে। নিশা গোসাঁইগাঁৱৰ শ্ৰীৰামপুৰত কোকৰাঝাৰ জিলা মটৰ পৰিবহন বিভাগ আৰু বন বিভাগে চলালে যৌথ অভিযান। অভিযান চলাই শ্ৰীৰামপুৰৰ পৰা জব্দ কৰে চাৰিখনকৈ শিল ভৰ্তি ডাম্পাৰ। 

ধুবুৰী অভিমুখে গৈ থকা শিল কঢ়িওৱা ডাম্পাৰ চাৰিখন জব্দ কৰি যাৱতীয় নথি-পত্ৰ পৰীক্ষা কৰাৰ অন্তত ওজন পৰীক্ষা কৰে। চাৰিওখন ডাম্পাৰত বহন ক্ষমতাত কৈ কম পৰিমাণৰ শিল বোজাই আছিল। বিভিন্ন সময়ত মটৰ পৰিবহন বিভাগ আৰু বন বিভাগৰ বিৰুদ্ধে উত্থাপিত অভিযোগৰ ভিত্তিত নিশা বন আৰু মটৰ পৰিবহন বিভাগে যৌথ অভিযান চলায়।

অভিযান চলাই জব্দ কৰা ডাম্পাৰ চাৰিখনত নথি পত্ৰ পৰীক্ষা কৰি ওজন পৰীক্ষাৰ পাছত এৰি দিয়ে। বিভাগ দুটাই সদায় অভিযান চলাই আহিছে। মটৰ পৰিবহন বিভাগৰ নীতি নিয়ম উলংঘা কৰা ডাম্পাৰ সমূহ জব্দ কৰি জৰিমনা আদায় কৰি ৰাজহ সংগ্ৰহ কৰি আহিছে। মটৰ পৰিবহন বিভাগৰ অভিযান চলি থাকিব বুলি বন বিভাগৰ বিষয়াই জানিবলৈ দিয়ে।