ডিজিটেল ডেস্কঃ নেপালৰ ৰাজধানী কাঠমাণ্ডুৰ এলএমচিত চৰকাৰে নিষিদ্ধ কৰিছে পানীপুৰী বা ফুচকা। কাঠমাণ্ডুৰ ফুচকাৰ পানীত কলেৰা বেক্টেৰিয়া পোৱা বুলি দাবী কৰা হৈছে। কাঠমাণ্ডুত বৰ্তমান কলেৰা ৰোগ বিয়পি পৰিছে। নেপালৰ স্বাস্থ্য মন্ত্ৰণালয়ে তাৎক্ষণিকভাৱে কাৰ্যকৰী হোৱাকৈ ফুচকা নিষিদ্ধ কৰাৰ সিদ্ধান্ত গ্ৰহণ কৰিছে।
নেপালৰ স্বাস্থ্য মন্ত্ৰণালয়ৰ পৰা অহা সতৰ্কবাণীৰ লগে লগে কাঠমাণ্ডুত ফুচকা সম্পূৰ্ণৰূপে নিষিদ্ধ কৰা হয়। ৰাজধানী কাঠমাণ্ডুৰ ললিতপুৰ মহানগৰত বৃদ্ধি পোৱা কলেৰাত ১২ জন লোক পজিটিভ পোৱা গৈছে। ললিতপুৰ মহানগৰীত দাবী কৰা হৈছে যে ফুচকাৰ বাবে কলেৰা বেক্টেৰিয়া ভৰি থকা পানী ব্যৱহাৰ কৰা হৈছে।
চহৰৰ আৰক্ষী অধীক্ষক সীতাৰাম হাচেট্টুৱে জনোৱা মতে, মহানগৰীৰ জনবহুল অঞ্চল আৰু কৰিডৰ এলেকাত পানীপুৰী বিক্ৰী বন্ধ কৰাৰ বাবে আভ্যন্তৰীণ প্ৰস্তুতি চলোৱা হৈছে। স্বাস্থ্য আৰু জনসংখ্যা মন্ত্ৰালয়ৰ তথ্য অনুসৰি কাঠমাণ্ডু উপত্যকাত মুঠ কলেৰা ৰোগীৰ সংখ্যা ১২ জনলৈ বৃদ্ধি পাইছে। মহানগৰীত কলেৰাৰ সংক্ৰমণৰ আশংকা বৃদ্ধি হোৱা বাবে তৎক্ষণাৎ ফুচকা বিক্ৰী বন্ধ কৰিবলৈ নিৰ্দেশ দিয়ে। স্বাস্থ্য মন্ত্ৰালয়ৰ অধীনৰ মহামাৰী বিজ্ঞান আৰু ৰোগ নিয়ন্ত্ৰণ সংমণ্ডলৰ সঞ্চালক সুমনলাল দাসৰ মতে, কাঠমাণ্ডু মহানগৰত ৫ গৰাকী আৰু চন্দ্ৰগিৰি পৌৰসভা আৰু বুধনীলকান্ত পৌৰসভাত এজনকৈ লোক কলেৰাত আক্ৰান্ত হৈছে।
বিশেষকৈ গ্ৰীষ্ম আৰু বাৰিষা কালত ডায়েৰিয়া, কলেৰা আদি পানীজনিত ৰোগ বিয়পি পৰাত সকলোকে সজাগ হ’বলৈ অনুৰোধ জনাইছে মন্ত্ৰালয়ে। ইয়াৰ পূৰ্বে ৰাজধানীৰ বিভিন্ন প্ৰান্তত ৫ গৰাকী লোক কলেৰাত আক্ৰান্ত হোৱা দেখা গৈছিল। ইয়াৰে দুজন আক্ৰান্তৰ ইতিমধ্যে চিকিৎসা কৰি ডিচচাৰ্জ কৰা হৈছে। ইফালে, স্বাস্থ্য আৰু জনসংখ্যা মন্ত্ৰণালয়ে লোকসকলক কলেৰাৰ কোনো লক্ষণ দেখা দিলে তৎক্ষণাত নিজৰ ওচৰৰ স্বাস্থ্য কেন্দ্ৰলৈ গৈ পৰীক্ষা কৰিবলৈ আহ্বান জনাইছে।
Continue Reading
