ডিজিটেল ডেস্কঃ ৰাছিয়াৰ শত্ৰু ইউক্ৰইনক সামান্য সহায় কৰি এতিয়া বিপদত পৰিছে এগৰাকী আমেৰিকাৰ নৃত্যশিল্পী৷ নৃত্যশিল্পীগৰাকীক ৰাছিয়াই গ্ৰেপ্তাৰ কৰিছে৷ ৩৩ বছৰীয়া নৃত্যশিল্পী কেচনিয়া কাৰেলিনাৰ বিৰুদ্ধে পুটিনৰ চৰকাৰে ইউক্ৰেইনৰ সেনাক ৫১ ডলাৰ দান কৰাৰ অভিযোগ উত্থাপন কৰিছে।নৃত্যশিল্পীগৰাকীয়ে আমেৰিকা যুক্তৰাষ্ট্ৰ লগতে ৰাছিয়াৰ নাগৰিকত্ব কৰিছে৷ ৰাছিয়াৰ চৰকাৰে নৃত্যশিল্পী কাৰেলিনাৰ বিৰুদ্ধে দেশদ্ৰোহৰ অভিযোগ উত্থাপন কৰিছে। কাৰেনিনাক আদালতলৈ নিয়াৰ সময়ত চকুত পটি বান্ধি নিয়াৰ লগতে হাতত লোৰ শিকলি লগোৱা হৈছিল৷
ৰাছিয়াৰ ফেডাৰেল চিকিউৰিটি চাৰ্ভিচৰ বিবৃতিত কোৱা হৈছে, "ফেব্ৰুৱাৰী ২০২২ ৰ পৰা ইউক্ৰেইনৰ এটা সংগঠনে সংগঠনটোৰ বাবে পুঁজি সংগ্ৰহ কৰিছিল। সেই ধন ইউক্ৰেইনৰ সশস্ত্ৰ বাহিনীৰ বাবে ঔষধ, সঁজুলি, অস্ত্ৰ আৰু গোলাবাৰুদ ক্ৰয় কৰিবলৈ ব্যৱহাৰ কৰা হৈছিল’’। ৰাছিয়াৰ গুপ্তচৰ সংস্থাই এই বুলিও কৈছে যে নৃত্যশিল্পীগৰাকীয়ে আমেৰিকা যুক্তৰাষ্ট্ৰত থাকোতে কিয়েভৰ সমৰ্থনত ৰাজহুৱা ৰেলীত উপস্থিত আছিল। কাৰেলিনাৰ বিৰুদ্ধে দেশদ্ৰোহৰ অভিযোগ উত্থাপন কৰা হৈছে।
লছ এঞ্জেলছৰ বেভাৰ্লি হিলছত কেচনিয়া কাৰেলিনাৰ এখন স্পা আছে। তেওঁক ২৭ জানুৱাৰীত পুটিনৰ আৰক্ষীয়ে গ্ৰেপ্তাৰ কৰে। নৃত্যশিল্পীগৰাকীৰ বিৰুদ্ধে "গুণ্ডামি" আৰু ৰাজহুৱাভাৱে আপত্তিজনক ভাষা ব্যৱহাৰ কৰাৰো অভিযোগ আৰোপ কৰা হৈছে। তেওঁৰ বিৰুদ্ধে আদালতত অশালীন আচৰণৰ অভিযোগো আৰোপ কৰা হৈছে। গোচৰটোত অপৰাধমূলক অভিযোগৰ ধাৰাও যোগ কৰা হৈছে। যদি দোষী সাব্যস্ত হয় তেন্তে কাৰেলিনাই ১২ বছৰলৈকে কাৰাবাসৰ সন্মুখীন হ'ব পাৰে।
Continue Reading
