ডিজিটেল ডেস্ক: সকলোৱে নিজৰ সন্তানক স্মাৰ্ট হিচাপে চাব বিচাৰে। কিন্তু কোনখিনি ল’ৰা-ছোৱালী প্ৰকৃততে স্মাৰ্ট সেই বিষয়ে অভিভাৱকসকলৰ এটা স্পষ্ট ধাৰণা থকাটো অতি প্ৰয়োজনীয়। কাৰণ আপোনাৰ সন্তান যদি প্ৰতিভাশালী হয় তেন্তে শৈশৱৰ পৰাই সেয়ে বিশেষ গুন বিভিন্ন ধৰণে প্ৰকাশ পাবলৈ আৰম্ভ হয়। শিশুটি জিনিয়াছ নহ’লেও বিচলিত হ’বলগীয়া একো নাই। কাৰণ সকলো শিশু নিজ নিজ জেগাত অনন্য।কোনবোৰ লক্ষণৰ দ্বাৰা আপুনি বুজিব যে আপোনাৰ সন্তান আন পাঁচজনৰ পৰা বহুত বেলেগ :
কথোপকথন আৰু আৱেগিকতা
গল্প শুনি থাকোতে যদি শিশুটিয়ে শব্দ আৰু কিতাপৰ প্ৰতি আকৰ্ষিত হয়, ১৪ মাহত বাক্য গঠন কৰিবলৈ শিকে, তেন্তে আপুনি বুজিব লাগে যে আপোনাৰ শিশুটিৰ প্ৰতিভা আছে। কিছুমান শিশুৱে অভিভাৱকৰ পৰা পোৱা মৌখিক নিৰ্দেশনা সহজেই মানি চলিব পাৰে বা বুজিব পাৰে। বুদ্ধিমান শিশুসকল অতি আৱেগিক হয়। তেওঁলোকে ইতিবাচক আৰু নেতিবাচক আৱেগ অনুভৱ কৰিব পাৰে। এনে শিশুক উৎসাহিত কৰা উচিত, অৱশ্যে শৈশৱৰ পৰাই শিশুটিক তেওঁ যেন মহান বুলি ধাৰণাৰ বীজ সিঁচি নিদিয়াতো ভাল
সাৱধানতা আৰু সামগ্ৰিক বিকাশ
নৱজাত শিশুৱে বেছিভাগ সময় নিজৰ চৌপাশৰ মানুহবোৰ চাই পাৰ কৰে। কিন্তু জিনিয়াছ ল’ৰা-ছোৱালীয়ে মাক-দেউতাকৰ লগত চকুৰ সংস্পৰ্শ কৰি, মূৰটো ইফালৰ পৰা সিফালে ঘূৰাই, শব্দ কৰি দ্ৰুতভাৱে সঁহাৰি জনায়। পৰিৱেশৰ যিকোনো পৰিৱৰ্তনৰ প্ৰতি তেওঁলোক সংবেদনশীল হৈ পৰে। ই উচ্চ পৰ্যায়ৰ ধাৰণাৰ লক্ষণ। জিনিয়াছ শিশুসকল আন শিশুতকৈ অলপ পৃথক। এই শিশুসকলৰ সামগ্ৰিক বিকাশৰ পৰ্যায়টো একে বয়সৰ আন শিশুসকলতকৈ আগতেই পাৰ হৈ যায়।
জেদী আৰু অকলশৰীয়া হৈ থকাৰ জোৰ
যদি শিশুটিয়ে খেলনাৰে খেলি ভাল পায়, ৰং কৰা, যদি প্ৰহেলিকা সমাধান কৰে, যদি সি/তাই ডাঙৰ ল’ৰা-ছোৱালীৰ লগত থাকিব বিচাৰে, তেন্তে সেই শিশুটিও প্ৰতিভাশালী। চৌপাশৰ মানুহৰ চৰম বুদ্ধিমত্তা আৰু আবেগ অৰ্জন -এই সকলোবোৰ কৰিব খোজে আৰু কৰে। এই ল’ৰা-ছোৱালীৰ বন্ধু-বান্ধৱ কম। কোনো সমস্যা নোহোৱাকৈ নিজকে মনোৰঞ্জন দিব পৰাটো তেওঁলোকৰ প্ৰতিভাৰ প্ৰবৃত্তিৰ লক্ষণ।যদিও এনে শিশুসকল সাধাৰণতে জেদী তথাপিও মনত ৰাখিব যে জেদী শিশুসকল অতি দৃঢ়প্ৰতিজ্ঞ। তেওঁলোকে যি বিচাৰে তাকে পাই থাকে। ইয়াক ঘূৰাই লোৱাটোও এটা স্মাৰ্ট ল’ৰাৰ লক্ষণ।
বহুভাষিক শুনা আৰু স্মৃতিশক্তি
যদি দম্পতীহালে বেলেগ বেলেগ ভাষা জানে তেন্তে শিশুটিৰ লগত বেলেগ বেলেগ ভাষাত কথা পাতিব লাগে। এটাতকৈ অধিক ভাষা জনা অভিভাৱকৰ সন্তানে আইকিউ পৰীক্ষাত ভাল নম্বৰ লাভ কৰে। ভাল স্মৃতিশক্তিও শিশুৰ প্ৰতিভাশক্তিৰ অন্যতম লক্ষণ। এয়াও তেওঁলোকৰ বুদ্ধিমত্তাৰ পৰিমাপ। যদি আপোনাৰ সন্তানে কিবা এটা দেখি বহুদিনলৈ মনত ৰাখে, তেন্তে তেওঁ এজন জিনিয়াছ।
কল্পনা আৰু শিক্ষণৰ প্ৰতি প্ৰৱণতা
আপোনাৰ সন্তানে নিজৰ কাহিনী নিজে ৰচনা কৰিব পাৰেনে? কাল্পনিক বন্ধুৰ লগত খেলা-ধূলা কৰে নেকি?যদি এনে কিবা লক্ষণ আছে তেন্তে তেওঁ মিছা কথা কৈছে বুলি নাভাবিব। বৰঞ্চ বুজি লওক যে আপোনাৰ সন্তানটো কল্পনাপ্ৰসূত। কল্পনা এটা শিশুৰ মন উন্নয়নৰ বাবে অতি গুৰুত্বপূৰ্ণ। আপোনাৰ শিশুটি অধ্যয়নৰ প্ৰতি কিমান প্ৰৱল হয়, সেইটোৱেও শিশুটিৰ প্ৰতিভাক সূচায়। সাধাৰণতে পৰ্যবেক্ষণ কৰা হৈছে যে মেধাৱী শিশুৱে বিদ্যালয়ৰ পৰীক্ষাত ভাল প্ৰদৰ্শন কৰে। অধ্যয়ন অনুসৰি স্কুলীয়া শিক্ষা সঠিকভাৱে আৰম্ভ হোৱাৰ আগতে শিশুৱে খেলা-ধূলা কৰিলে আৰু বিভিন্ন বিষয়ত কথা পাতিলে ভাল প্ৰদৰ্শন কৰে।
Continue Reading
