শিলচৰ : আজি কংগ্ৰেছ নেত্ৰী তথা প্ৰাক্তন সাংসদ সুস্মিতা দেবে কংগ্ৰেছ ত্যাগ কৰাৰ পাছতে দিল্লী এৰি কলকাতালৈ ৰাওনা হয়৷ কংগ্ৰেছ নেত্ৰীগৰাকীৰ ঘনিষ্ঠ সূত্ৰই প্ৰকাশ কৰা তথ্য অনুসৰি আজিয়েই সুস্মিতাই সাক্ষাৎ কৰিব তৃণমূলৰ নেত্ৰী তথা পশ্চিমবংগৰ মুখ্যমন্ত্ৰী মমতা বেনাৰ্জীক৷
মমতাৰ সৈতে অভিষেক বেনাৰ্জীকো সাক্ষাৎ কৰি সুস্মিতাই কাইলৈ শিলচৰলৈ উভতি অহাৰ সম্ভাৱনা আছে বুলি জানিব পৰা গৈছে৷ তেওঁ অচিৰেই তৃণমূল কংগ্ৰেছত যোগদান কৰি অসমত তৃণমূল কংগ্ৰেছৰ নেতৃত্ব প্ৰদান কৰিব বুলি চৰ্চিত হৈছে।
সুস্মিতাৰ পদত্যাগৰ পাছতে কংগ্ৰেছৰ শীৰ্ষ মহলত জোকাৰণি সৃষ্টি হয়৷ তেওঁ পদত্যাগৰ বাবে হাইকমাণ্ডক জবাবদিহি কৰাৰ চেষ্টা একাংশৰ৷
