ক'ভিড আপডেট: এটা দিনত টিকাকৰণেৰে অভিলেখ সৃষ্টি ভাৰতৰ

নতুন দিল্লী: ভাৰতে মঙলবাৰে পাঁচ দিনৰ ভিতৰত দ্বিতীয়বাৰৰ বাবে ক'ভিড ভেকচিনৰ ক্ষেত্ৰত এক কোটিৰ মাইলৰ খুঁটি অতিক্ৰম কৰিছে৷ নিশা ১০ বজালৈকে ১.২৮ কোটিতকৈও অধিক পালি প্ৰদান কৰিছে ভাৰত চৰকাৰে৷ এটা দিনৰ টিকাকৰণত এক নতুন উচ্চতা অৰ্জন কৰিছে দেশখনে আৰু ২৭ আগষ্টত প্ৰাপ্ত কৰা ১.০৩ কোটি পালিৰ নিজৰ পূৰ্বৰ অভিলেখ ভংগ কৰিছে।

টিকাকৰণৰ বৰ্ধিত গতি মুখ্যতঃ উন্নত যোগানৰ দ্বাৰা চালিত হয়, আনহাতে কেন্দ্ৰই ৰাজ্যসমূহক টিকাকৰণৰ আৱৰণ বৃদ্ধি কৰিবলৈ জোৰ দি আহিছে, বিশেষকৈ দ্বিতীয় পালিৰ, মুখ্যতঃ আগন্তুক উৎসৱৰ পৰিপ্ৰেক্ষিতত।

যদিও যোগান আৰু উন্নত হোৱাৰ সম্ভাৱনা আছে, চৰকাৰে ছেপ্টেম্বৰত প্ৰায় ২০-২২ কোটি ক'ভিড প্ৰতিষেধক আৰু অক্টোবৰত আন ২৫-৩০ কোটি পালিৰ আকলন কৰিছে। বছৰটোৰ শেষৰ দুটা মাহত প্ৰতিটোৱে ৩৫ কোটি পালি লাভ কৰিব বুলি আশা কৰা হৈছে৷ সামগ্ৰিকভাৱে, ডিচেম্বৰৰ ভিতৰত প্ৰায় ১৮৫ কোটি ক'ভিড প্ৰতিষেধক যোগান ধৰা হ'ব বুলি অনুমান কৰা হৈছে৷ মঙলবাৰৰ পুৱালৈ ৬৪.৩৬ কোটিতকৈও অধিক ভেকচিনৰ পালি যোগান ধৰা হৈছিল৷ সামগ্ৰিকভাৱে, মঙলবাৰৰ আগলৈকে ৬৫.২৬ কোটিৰো অধিক পালি দিয়া হৈছিল। যাৰ ভিতৰত ৭৭শতাংশ হৈছে প্ৰথমপালি ক'ভিড ভেকচিন। বৰ্তমান, দেশৰ মুঠ জনসংখ্যাৰ প্ৰায় ৩৯ শতাংশইহে প্ৰথমপালি ভেকচিন গ্ৰহণ কৰিছে৷ আনহাতে, ২৩ শতাংশ লোকে ক'ভিড-১৯ৰ বিৰুদ্ধে দুয়োটাপালি গ্ৰহণ কৰি সম্পূৰ্ণৰূপে টিকাকৰণ কৰা হয়।