মৰিয়নিত অব্যাহত ভোটগ্ৰহণঃ ভোটপ্ৰদান ৰূপজ্যোতিৰ

মৰিয়নিঃ আজি অসম বিধানসভা নিৰ্বাচনৰ প্ৰথম পৰ্যায়ৰ ভোটগ্ৰহণ। মৰিয়নিত পুৱাৰেপৰা আৰম্ভ হৈছে ভোটগ্ৰহণ প্ৰক্ৰিয়া। মৰিয়নি সমষ্টিৰ কংগ্ৰেছৰ প্ৰাৰ্থী ৰূপজ্যোতি কুৰ্মীয়ে পুৱা ১১ বজাত ৬৯ নং কঁঠালগুৰি ভোটকেন্দ্ৰত নিজৰ ভোটাধিকাৰ সাব্যস্ত কৰে।

আৰু পঢ়িব পাৰিব : ভিন্নস্থানত ইভিএমৰ বিসংগতি : ঘন্টাজুৰি অপেক্ষা প্ৰাৰ্থী-ভোটাৰ !

১০১নং মৰিয়নি সমষ্টিত এইবাৰ ১৭৩টা ভোটগ্ৰহণ কেন্দ্ৰত মুঠ ১,২২,১২৮জন ভোটাৰে ভোটাধিকাৰ সাব্যস্ত কৰিব। পুৱাৰেপৰা ভোটগ্ৰহণ কেন্দ্ৰটোত ভোটাৰৰ দীঘলীয়া শাৰী দেখিবলৈ পোৱা গৈছে। মৰিয়নিত শান্তিপূৰ্ণভাৱে ভোটদান প্ৰক্ৰিয়া অব্যাহত আছে যদিও ৬টা ভোটগ্ৰহণ কেন্দ্ৰত ইভিএম বিকল হৈ পৰাৰ বাবে কিছু পলমকৈ ভোটগ্ৰহণ আৰম্ভ হয়।

আৰু পঢ়িব পাৰিব : প্ৰথম পৰ্যায়ৰ নিৰ্বাচন : আজি ভাগ্য নিৰ্ণয় হ’ব ২৬৪জন প্ৰাৰ্থীৰ

ইভিএম বিকল হোৱাৰ বাবে ইয়াৰে ৩৮নং খৰিকটীয়া কেন্দ্ৰত ২ঘণ্টা আৰু ৭৯নং নৱজ্যোতি কেন্দ্ৰ, ৩২ নং নতুনমাটি কেন্দ্ৰ, ৯৪ নং গন্ধিয়া কেন্দ্ৰ, ২৭৯ নং টেঙাবাৰী কেন্দ্ৰ, ৭১ নং দিহিঙীয়াপাৰ কেন্দ্ৰত প্ৰায় ১ ঘণ্টা পলমকৈ ভোটগ্ৰহণ অনুষ্ঠিত হয়।