ডিজিটেল ডেস্ক : ৰাছিয়াৰ ৰাষ্ট্ৰপতি ভ্লাডিমিৰ পুটিনক ভাৰত ভ্ৰমণৰ বাবে ভাৰতৰ প্ৰধানমন্ত্ৰী নৰেন্দ্ৰ মোদীয়ে জনোৱা নিমন্ত্রণ পুটিনে গ্রহণ কৰিছে আৰু সেই ভ্ৰমণৰ বাবে প্রস্তুতি চলাই থকা হৈছে। ৰুছ বিদেশ মন্ত্রী ছার্গে লাভৰ'ভে বৃহস্পতিবাৰে এই কথা জনায়।
ৰুছ আন্তঃৰাষ্ট্ৰীয় পৰিক্ৰমা পৰিষদে (আৰ আই এ চি)আয়োজন কৰা 'ৰাছিয়া আৰু ভাৰত : এক নতুন দ্বিপাক্ষিক কৰ্মসূচীৰ ফালে' শীর্ষক এক সম্মিলনত ভার্চুৱেলি ভাষণ দি লাভৰ'ভে কয়, 'পুটিনৰ ভাৰত ভ্ৰমণৰ বাবে বৰ্তমান ব্যৱস্থা-পাতি কৰি থকা হৈছে।' যোৱা বছৰ পুনৰ নিৰ্বাচিত হোৱাৰ পাছত মোদীয়ে কৰা ৰাছিয়ালৈ প্ৰথম বিদেশ ভ্রমণৰ কথাও লাভৰ'ভে উল্লেখ কৰে।
তেওঁ কয়, 'এতিয়া আমাৰ পাল।' অৱশ্যে পুটিনৰ ভ্ৰমণৰ দিনৰ কথা এতিয়াও প্রকাশ কৰা হোৱা নাই। উল্লেখযোগ্য যে প্রধানমন্ত্রী মোদীয়ে ২০২৪ চনৰ জুলাইত প্রায় পাঁচ বছৰৰ পাছত ৰাছিয়ালৈ প্রথমটো ভ্রমণ কার্যসূচী গ্ৰহণ কৰিছিল। ইয়াৰ আগতে ২০১৯ চনত এখন অর্থনৈতিক সম্মিলনৰ বাবে তেওঁ ৰাছিয়াৰ পূব অঞ্চলৰ মহানগৰ ভলাডিভ'স্তক ভ্ৰমণ কৰিছিল।
উৎসঃ দৈনিক জনমভূমি
Continue Reading
