অখিলৰ মগজুৰ বিকৃতি ঘটিছেঃ জয়ন্ত মল্ল বৰুৱা

গুৱাহাটীঃ অখিল গগৈয়ে সংবাদমেলত কৰা মন্তব্যক লৈ এইবাৰ সৰব হৈছে নলবাৰীৰ জ্যেষ্ঠ বিধায়ক জয়ন্ত মল্ল বৰুৱা। মুখ্যমন্ত্ৰীক কৰা অপমানৰ প্ৰত্যুত্তৰ দিছে বিজেপিৰ বিধায়কগৰাকীয়ে। ‘অখিলৰ মগজুৰ বিকৃতি ঘটিছে’- বুলি মন্তব্য প্ৰকাশ কৰাৰ লগতে চিকিৎসা কৰিবলৈ পৰামৰ্শ দিছে বৰুৱাই।

অখিল গগৈক পঢ়া-শুনা কৰিবলৈ আহ্বান তেওঁৰ। লগতে নলবাৰীৰ বিধায়কগৰাকীয়ে কয় যে, ‘অসমৰ ৰাজনীতিৰ সন্দৰ্ভত অলপ অধ্যয়ন কৰক অখিলে।’
ইফালে, অসমৰ ভাষা সাহিত্যৰ ইতিহাসত শ্যামা প্ৰসাদ মুখাৰ্জীৰ একো অৰিহণা নাই বুলি কৰা অখিলৰ মন্তব্যত সৰব হৈছে জয়ন্ত মল্ল বৰুৱা। শ্যামা প্ৰসাদ মুখাৰ্জীৰ অৰিহণাৰ তথ্যসহ বিৱৰণ আগবঢ়ায় বৰুৱাই। যাৰ অৰিহণাক অসমীয়াই স্বীকৃতি দিছে, সেই স্বীকৃতিক নস্যাৎ কৰা অখিল গগৈৰ অসমৰ বুৰঞ্জীৰ একেবাৰে জ্ঞান নাই বুলি কয় বিজেপ বিধায়কগৰাকীয়ে।