প্ৰাগ নিউজৰ অভিজাত আয়োজন! আজিৰ পৰা ‘আমাৰ ভূপেনদা ছীজন-৮’

সাতটা বছৰৰ সফল সমাপ্তিৰে অসমৰ সাংস্কৃতিক তথা সংগীতৰ জগতত 'আমাৰ ভূপেনদা' এই অনুষ্ঠানটি আজি উত্তৰ-পূব ভাৰতৰ একমাত্র মেগা মিউজিকেল ৰিয়েলিটি শ্ব' হিচাপে স্থান দখল কৰিবলৈ সক্ষম হৈছে। ভাৰতৰত্ন ড° ভূপেন হাজৰিকাৰ স্মৃতি • আৰু সৃষ্টিৰাজি নতুন প্ৰজন্মৰ মাজলৈ লৈ যোৱাৰ প্ৰাগ নিউজৰ এক আপ্রাণ চেষ্টা 'আমাৰ ভূপেনদা'। এয়া আৰম্ভণিহে মাথোঁ। এই যাত্রাত লাগে মাথোঁ আপোনালোকৰ আশীর্বাদ। আজিৰ  পৰা আৰম্ভ হ'ব ষ্টাৰ চিমেণ্ট ছলিড ছেটিং প্রেজেন্টছ 'আমাৰ ভূপেনদা ছিজন-৮'। ব্ৰহ্মপুত্ৰ আৰু বৰাক উপত্যকাৰ ১৩ৰ পৰা ২৫ বছৰৰ যুৱক-যুৱতীৰ মাজত অনুষ্ঠিত হৈছিল এই বৰ্ষৰ সংগীতৰ মহাৰণ। গোলাঘাট, যোৰহাট, শিৱসাগৰ, ডিব্ৰুগড়, লখিমপুৰ, তেজপুৰ, নগাঁও, মঙলদৈ, বৰপেটা, ধুবুৰী, শিলচৰ আৰু গুৱাহাটীত অনুষ্ঠিত হৈছিল অডিচনসমূহ। এই অডিচনথলীসমূহৰ পৰা সন্মানীয় বিচাৰকসকলে বাছি উলিয়াই অনা প্রতিযোগীসকলৰ মাজতে অনুষ্ঠিত হ'ব 'আমাৰ ভূপেনদা ছিজন-৮'ৰ মহাৰণ।

প্রতি শনি আৰু দেওবাৰে সন্ধিয়া ৭-৫৪ বজাত সম্প্ৰচাৰ হ'বলগীয়া এই অনুষ্ঠানৰ জৰিয়তে নৱপ্ৰজন্মৰ মাজত সুধাকণ্ঠৰ গীতৰ প্ৰসাৰ আৰু প্ৰচাৰৰ যি উদ্দেশ্য, সেয়া আপোনালোকৰ মৰম আৰু আশীৰ্বাদৰ দ্বাৰাহে সম্ভৱ হ'ব।