প্ৰেমত নহয়, বেমাৰতহে ভাগে হৃদয়। কিন্তু কেনেকৈ?

ডিজিটেল ডেস্ক: কোৱা হয় প্ৰেমত বহুতৰে হৃদয় ভাগে। নিশ্চয় আপোনাৰো ভালপোৱাত হৃদয় ভাগিছে। পিছে বহুতৰ আকৌ বেমাৰতো হাৰ্ট ব্ৰেক হয়। এই  হাৰ্ট ব্ৰেক হোৱাৰ আঁৰত এটা বিশেষ ৰোগ আছে। এই ৰোগটো কি আপুনি জানেনে? এই ৰোগটোক চিকিৎসকৰ ভাষাত ‘Broken Heart Syndrome’ বুলি কোৱা হয়।

   পিছে কি এই ‘Broken Heart Syndrome’?

১৯৯০ চনত জাপানত ব্ৰকেন হাৰ্ট চিনড্ৰম ৰোগটো চিনাক্ত কৰা হৈছিল। দ্য মিৰ’ৰৰ মতে, যেতিয়া এজন ব্যক্তিয়ে হঠাতে আৱেগিক-মানসিক চাপ, শ্বক অথবা ভয়ৰ সন্মুখীন হয়, তেতিয়া তেওঁৰ হৃদযন্ত্ৰৰ পেশীবোৰ দুৰ্বল হৈ পৰে আৰু হৃদযন্ত্ৰৰ স্নায়ুত অধিক চাপ থাকে। অত্যধিক চাপৰ বাবে স্নায়ুবোৰ দুৰ্বল হৈ পৰে। ইয়াৰ ফলত হাৰ্ট এটেকৰ সম্ভাৱনা বৃদ্ধি পাব পাৰে। যেনে- কোনোবাই যদি বিশেষ কাৰোবাক হেৰুৱাই পেলায় আৰু সেই সময়ত তেওঁ অনুভৱ কৰা বেদনাখিনি তেওঁ আৱেগিকভাৱে ভাঙি যায় তেতিয়া তেওঁক এই ৰোগে দেখা দিয়ে।

‘Broken Heart Syndrome’ৰ লক্ষণসমূহ হৈছে-

* বুকুৰ বিষ

* উশাহ লোৱাত অসুবিধা

* ঘামচি ওলোৱা

* মূৰ ঘূৰোৱা ইত্যাদি

যদি এইসমূহ লক্ষণে আপোনাকো দেখা দিছে তেন্তে অচিৰেই কাষ চাপক চিকিৎসকৰ।