পতিহন্তা সোণম ৰঘুবংশীৰ জামিন খাৰিজ উচ্চতম ন্যায়লয়ৰ

নতুন দিল্লী: এক গুৰুত্বপূৰ্ণ ৰায়ত উচ্চতম ন্যায়ালয়ে মেঘালয়ত মধুচন্দ্ৰিমাৰ সময়ত নিজ পতি ৰাজা ৰঘুৱংশীক হত্যা কৰাৰ অভিযোগত অভিযুক্ত সোণম ৰঘুৱংশীৰ পূৰ্বে প্ৰদান কৰা জামিন খাৰিজ কৰিছে। উচ্চতম ন্যায়ালয়ৰ এই সিদ্ধান্ত মেঘালয় চৰকাৰে দাখিল কৰা এখন আবেদনৰ ভিত্তিত আহিছে, য'ত অভিযুক্তৰ জামিন আদেশক প্ৰত্যাহ্বান জনোৱা হৈছিল।

ন্যায়াধীশ এম.এম. সুন্দৰেশ আৰু পি.বি. ভাৰালেৰে গঠিত এখন বিচাৰপীঠে বৃহস্পতিবাৰে (২৩ জুলাই) সোণম ৰঘুৱংশীক তিনি সপ্তাহৰ ভিতৰত আৰক্ষীৰ ওচৰত আত্মসমৰ্পণ কৰিবলৈ নিৰ্দেশ দিছে। অৱশ্যে, আদালতে এইটোও উল্লেখ কৰিছে যে যদি গোচৰটোৰ বিচাৰ তেওঁৰ আত্মসমৰ্পণৰ পৰা ছয় মাহৰ ভিতৰত আৰম্ভ হৈ শেষ নহয়, তেন্তে তেওঁ নতুনকৈ জামিন আবেদন কৰিব পাৰিব।

এই গোচৰটোৱে ২০২৫ চনৰ মে' মাহত মেঘালয়ৰ সুন্দৰ সোহৰাত (চেৰাপুঞ্জী) বন্ধত যোৱাৰ সময়ত ব্যৱসায়ী ৰাজা ৰঘুৱংশীৰ ৰহস্যজনক নিৰুদ্দেশ আৰু পিছত মৃত্যুৰ সৈতে জড়িত। আৰক্ষীৰ তথ্য অনুসৰি, ২০২৫ চনৰ ২৩ মে'ত দম্পতীহাল নিৰুদ্দেশ হৈছিল আৰু ২ জুন, ২০২৫ ত ৰাজাৰ মৃতদেহ এটা গভীৰ খাদৰ পৰা উদ্ধাৰ কৰা হৈছিল। এই ঘটনাৰ লগে লগে আৰক্ষীয়ে তদন্ত আৰম্ভ কৰিছিল।

মেঘালয় আৰক্ষীয়ে জনোৱা অনুসৰি, সোণম ৰঘুৱংশীয়ে আৰ্থিক লাভালাভৰ বাবে ভাড়া কৰা হত্যাকাৰীৰ সৈতে মিলি নিজৰ পতিক হত্যা কৰাৰ ষড়যন্ত্ৰ কৰিছিল। ২০২৫ চনৰ জুন মাহত তেওঁক গ্ৰেপ্তাৰ কৰা হৈছিল। মধ্যপ্ৰদেশৰ ইন্দোৰৰ বাসিন্দা সোণম ৰঘুৱংশীৰ বিৰুদ্ধে পতিক পৰিকল্পিতভাৱে হত্যা কৰাৰ অভিযোগ উত্থাপন হৈছিল, যিটোৱে সমগ্ৰ দেশতে চাঞ্চল্যৰ সৃষ্টি কৰিছিল। উচ্চতম ন্যায়ালয়ৰ এই নিৰ্দেশনাৰ পিছত গোচৰটোৱে পুনৰ এক নতুন মোৰ লৈছে আৰু অভিযুক্তৰ ওপৰত চাপ বৃদ্ধি পাইছে।