ডিজিটেল ডেস্ক: চামগুৰিত সংঘটিত হৈছে এক চাঞ্চল্যকৰ ঘটনা। চামগুৰিৰ ৰঙামাটি কছাৰী লাইন পাহাৰৰ সমীপত উদ্ধাৰ এজন যুৱকৰ মৃতদেহ।
ক্ষত-বিক্ষত অৱস্থাত উদ্ধাৰ হৈছে যুৱকজনৰ মৃতদেহ। নিহত যুৱক জন বিশাল চাওতাল বুলি চিনাক্ত কৰা হৈছে।
ঘটনাস্থলীত শালনা আৰক্ষী উপস্থিত হৈ মৃতদেহ উদ্ধাৰ কৰি মৰণোত্তৰ পৰীক্ষাৰ বাবে প্ৰেৰণ কৰাৰ লগতে আৰম্ভ কৰিছে প্ৰাৰম্ভিক তদন্ত।
ঘটনাস্থলীত যুৱকজনৰ মৃতদেহৰ কাষতে উদ্ধাৰ হৈছে AS02AQ 3070 নম্বৰৰ এখন স্কুটি। কোনো লোকে যুৱকজনক মাৰপিত কৰি হত্যা কৰাৰ সন্দেহ আৰক্ষীৰ লগতে স্থানীয় লোকৰ।
এবছৰ পূৰ্বে এটি পৰিয়ালৰ মাতৃ-পুত্ৰক হত্যা কৰাৰ অভিযোগত অভিযুক্ত আছিল বিশাল চাওতাল। সেই সন্দেহতে যুৱকজনক কোনো লোকে হত্যা কৰাৰ সন্দেহ স্থানীয় ৰাইজৰ। আৰক্ষীয়ে হত্যাকাণ্ডটোৰ সন্দৰ্ভত জোৰদাৰ তদন্ত আৰম্ভ কৰিছে৷
Continue Reading
