ডিজিটেল ডেস্ক: চামগুৰিৰ ভোমোৰাগুৰিত এক চাঞ্চল্যকৰ তথা কৰুণ হত্যাকাণ্ডৰ ঘটনা পোহৰলৈ আহিছে। পাৰিবাৰিক কন্দলৰ পৰিণতিতে পুৱাই এই ভয়ংকৰ ঘটনাটো সংঘটিত হোৱা বুলি সন্দেহ কৰা হৈছে।
ঘটনাৰ বিৱৰণী অনুসৰি, ৰফিকুল ইচলাম নামৰ এজন যুৱকে বিচনাত শুই থকা অৱস্থাতে নিজ পত্নী আৰু মাতৃক দাৰে উপৰ্যুপৰি আক্ৰমণ কৰে। স্বামীৰ আক্ৰমণত পত্নী খুদেজা বেগমৰ থিতাতে মৃত্যু ঘটে। আনহাতে, পুত্ৰৰ আক্ৰমণত গুৰুতৰভাৱে আহত হয় মাতৃ মৰজিনা খাটুন। বৰ্তমান তেওঁক সংকটজনক অৱস্থাত চিকিৎসালয় (NMCH)লৈ প্ৰেৰণ কৰা হৈছে।
ঘটনাৰ খবৰ পোৱাৰ পিছতে চামগুৰি আৰু শিৱস্থান আৰক্ষীৰ দল ঘটনাস্থলিত উপস্থিত হয়। আৰক্ষীয়ে হত্যাকাৰী যুৱকজনক ইতিমধ্যে আটক কৰিছে আৰু ঘটনা সন্দৰ্ভত প্ৰাৰম্ভিক তদন্তৰ লগতে জেৰা অব্যাহত ৰাখিছে।
এই ঘটনাই সমগ্ৰ অঞ্চলতে তীব্ৰ চাঞ্চল্যৰ সৃষ্টি কৰিছে।
Continue Reading
