ডিজিটেল ডেস্কঃ এক শোকাৱহ ঘটনা সংঘটিত হৈছে বাংলাদেশত । আন্তঃৰাষ্ট্ৰীয় সংবাদ মাধ্যমৰ বাতৰি অনুসৰি বাংলাদেশৰ ৰাজধানী ঢাকাৰ এখন ব্যক্তিগত চিকিৎসালয়ত চুন্নত কৰোৱালৈ যোৱাৰ সময়তে এটি ১০ বছৰীয়া শিশুৱে কৰুণ মৃত্যুক সাৱটি ল’বলগীয়া হয়। মৃত শিশুটিৰ নাম আহানাফ তাহমিদ বুলি জানিব পৰা গৈছে।
শিশুটিক ইছলাম ধৰ্মৰ বিধি মানি চুন্নত কৰোৱাবলৈ চিকিৎসালয়লৈ নিয়া হৈছিল ।শিশুটিৰ পৰিয়ালে অভিযোগ কৰা অনুসৰি তেওঁলোকৰ অনুমতি অবিহনেই শিশুটিৰ দেহত সংজ্ঞানাশক দৰব প্ৰয়োগ কৰা হৈছিল। ফলত শিশুটিৰ মৃত্যু ঘটে।
ডেৰ মাহ পূৰ্বেও বাংলাদেশত আয়ান আহমেদ নামৰ আন এটি শিশুৰ চুন্নত চলি থকা অৱস্থাত মৃত্যু হৈছিল। সেই সময়তো শিশুটিৰ পৰিয়ালে সংজ্ঞানাশক প্ৰয়োগ কৰাৰ অভিযোগ উত্থাপন কৰিছিল। চুন্নতৰ সময়ত এনেদৰে শিশুৰ মৃত্যু ঘটাৰ ঘটনাই বাংলাদেশত প্ৰতিক্ৰিয়াৰ সৃষ্টি কৰিছে।
Continue Reading
