ডিজিটেল ডেস্কঃ আজি ভাৰত-শ্ৰীলংকাৰ মাজত বহু প্ৰত্যাশিত বিশ্বকাপৰ মেচ৷আজিৰ মেচখনত শ্ৰীলংকাৰ বিৰুদ্ধে ভাৰতৰ খেলখনৰ সময়ত মুম্বাইত শুভমন গীলে ৯২ ৰান সংগ্ৰহ কৰে।ৱানখেডে ষ্টেডিয়ামত হোৱা খেলখনত উপস্থিত আছিল শচীন তেণ্ডুলকাৰৰ কন্যা ছাৰা তেণ্ডুলকাৰ৷আজিৰ মেচখনত শুভমন গীলে শতক অৰ্জন কৰাৰ ৮ ৰাণ বাকী পূৰ্বে ক্ৰিকেটাৰগৰাকী আউট হোৱাত সকলো স্তম্ভিত হৈ পৰে।
ইফালে শুভমন আউট হোৱাৰ পাছত ছাৰাৰ এই প্ৰতিক্ৰিয়া ছ’চিয়েল মিডিয়া প্লেটফৰ্মত ভাইৰেল হৈ পৰিছে। শুভমন আউট হোৱাৰ পাছত ছাৰাৰ প্ৰতিক্ৰিয়া ধৰি ৰখা ক্লিপটো শ্বেয়াৰ কৰি এক্স ব্যৱহাৰকাৰীয়ে লিখিছে যে, “মই এই দুখ কেনেকৈ প্ৰকাশ কৰিব লাগে নাজানো কিন্তু একেই দুখ যেন ভগ্নী ছাৰাৰো অৱস্থা একেই।”এক্সত আন এজন ব্যৱহাৰকাৰীয়ে ছাৰাই শুভমনক ষ্টেণ্ডিং অভেচন দিয়াৰ ছবি এখন শ্বেয়াৰ কৰি লিখিছে-‘ছাৰা তেণ্ডুলকাৰৰ পৰা পোৱা প্ৰশংসা এশতকৈ কম নহয়। ৱেল ডান শুভমন গীল”
উল্লেখ যে ২ নৱেম্বৰত মুম্বাইত অনুষ্ঠিত ভাৰত বনাম শ্ৰীলংকাৰ বিশ্বকাপৰ খেলখনত অংশগ্ৰহণ কৰা কেইবাগৰাকীও চেলিব্ৰীটিৰ ভিতৰত ক্ৰিকেট কিংবদন্তি শচীন তেণ্ডুলকাৰৰ কন্যা ছাৰাও আছিল।মেচখনৰ সময়ত শ্বাহিদ কাপুৰ, কুনাল খেম্মু আৰু আথিয়া শ্বেট্টীয়েও ভাৰতৰ হৈ মেচ উপভোগ কৰি থকাৰ দৃশ্য গ্ৰহণ কৰা হৈছিল।
Continue Reading
