তালিবান দমনৰ কি মন্ত্ৰ দিলে ড'নাল্ড ট্ৰাম্পে?

ৱাশ্বিংটন : আফগানিস্তানৰ পৰিস্থিতি সন্দৰ্ভত উত্তৰাধিকাৰী জো বাইডেনৰ প্ৰতি অধিক আক্ৰমণাত্মক হৈ পৰিছে প্ৰাক্তন মাৰ্কিন ৰাষ্ট্ৰপতি ড’নাল্ড ট্ৰাম্প। তালিবান অধ্যুষিত দেশখনৰ পৰা তাৎক্ষণিকভাৱে সৈন্য অপসাৰণৰ প্ৰসংগক লৈ বাইডেনক সমালোচনা কৰিছে ট্ৰাম্পে। অপৰিকল্পিকভাৱে লোৱা পদক্ষেপৰ বাবেই দেশখনত এনে অস্থিৰ আৰু নিয়ন্ত্ৰণহীন পৰিস্থিতিৰ সৃষ্টি হোৱা বুলি অভিযোগ কৰি ট্ৰাম্পে সৈন্য অপসাৰণৰ বিকল্প পদ্ধতিৰ বিষয়ে প্ৰকাশ কৰিছে।

তেওঁ প্ৰথমে কোনো বিশৃংখলাৰ সৃ্ষ্টি নোহোৱাকৈ প্ৰথমে মাৰ্কিন নাগৰিকসকলক ওভটাই অনা আৰু তাৰ লগে লগে সকলো সা-সৰঞ্জাম লৈ অনাৰ দৰে প্ৰক্ৰিয় অৱলম্বন কৰাৰ কথা প্ৰকাশ কৰিছে। তেওঁ লগতে কয় যে, মাৰ্কিন সেনা প্ৰত্যাহাৰৰ পূৰ্বে দেশখনত থকা তালিবানৰ ঘাটিবোৰত বোমা পেলোৱা উচিত আছিল। ট্ৰাম প্ৰস্তাৱিত সমগ্ৰ প্ৰক্ৰিয়াটো তেওঁ ব্যাখ্য কৰিছে এনেদৰে-- ‘প্ৰথমে সকলো মাৰ্কিন নাগৰিকে তাৰপৰা লৈ আহক।

তাৰ পাছত সকলো সা-সৰঞ্জাম লৈ আহক। তাৰ পাছত তালিবানৰ ঘাটিত বোমা পেলাই সামৰিক বাহিনীৰ লোকক প্ৰত্যাহাৰ কৰক। তেতিয়া কোনো বিশৃংখলা, কোনো মৃত্যু নহ’লহেঁতেন আৰু কোনো আমি আঁতৰি অহাৰ কথাও কোনেও গম নাপালেহেঁতেন।’