ডিজিটেল জেস্ক: শেহতীয়াকৈ তালিবান চৰকাৰে এক গুৰুত্বপূৰ্ণ পদক্ষেপ গ্ৰহণ কৰিছে৷চৰকাৰে মুম্বাইত আফগান মিছনৰ ভাৰপ্ৰাপ্ত অধিবক্তা হিচাপে নিযুক্তি দিছে ইক্ৰামুদ্দিন কামিলক। আফগান সংবাদ মাধ্যমৰ তথ্য অনুসৰি ভাৰতত আফগান মিছনত তালিবানৰ এইটোৱেই প্ৰথম আনুষ্ঠানিক নিযুক্তি। কাবুলৰ এই পদক্ষেপে ভাৰতৰ সৈতে কূটনৈতিক সম্পৰ্ক সুদৃঢ় কৰাৰ লগতে তালিবানৰ স্থিতি সমৃদ্ধ কৰাৰ প্ৰয়াসৰ অংশ বুলি বিবেচিত হৈছে। তালিবানৰ এই সিদ্ধান্তই ভাৰতৰ চুবুৰীয়া দেশ পাকিস্তান অসন্তুষ্টি প্ৰকাশ কৰিব পাৰে, কাৰণ তালিবান চৰকাৰ আৰু ভাৰতৰ সৈতে সম্পৰ্ক স্বাভাৱিক নহয়। ইয়াৰোপৰি পাকিস্তানে তালিবানক সততে সন্ত্ৰাসবাদ বিয়পোৱাৰ অভিযোগ উত্থাপন কৰি আহিছে।
তালিবানৰ বাখতাৰ নিউজ এজেন্সীয়ে কোনো নাম প্ৰকাশ নকৰা কৈ এই সন্দৰ্ভত নিশ্চিতি প্ৰদান কৰিছে। জানিব পৰামতে কামিল বৰ্তমান ইছলামিক আমিৰেটছক প্ৰতিনিধি হিচাপে মুম্বাইত আছে। আফগান বৈদেশিক পৰিক্ৰমা মন্ত্ৰালয়ত তেওঁ নিৰাপত্তা সহযোগিতা আৰু সীমান্ত পৰিক্ৰমা বিভাগৰ উপ-সঞ্চালক হিচাপে কাৰ্যনিৰ্বাহ কৰি আহিছে। আন্তঃৰাষ্ট্ৰীয় আইনত পিএইচডি ডিগ্ৰীধাৰী কামিলে মুম্বাইত থকা আফগান নাগৰিকসকলৰ বাবে কনছুলাৰ সেৱাৰ সুবিধা প্ৰদান কৰাৰ লগতে ভাৰতত আফগানিস্তানৰ স্বাৰ্থক প্ৰতিনিধিত্ব কৰিব বুলি আশা প্ৰকাশ কৰিছে চৰকাৰ খনে৷
উল্লেখযোগ্য যে ভাৰত আৰু তালিবান চৰকাৰৰ মাজত আলোচনা চলি থকা সময়তে কামিলক নিযুক্তি প্ৰদান কৰা হৈছে। তালিবান ক্ষমতালৈ অহাৰ পিছৰে পৰা ভাৰতত আফগান কূটনৈতিক বিষয়াৰ সংখ্যা ব্যাপকভাৱে হ্ৰাস পাইছে। ইতিমধ্যে প্ৰাক্তন ৰাষ্ট্ৰপতি আশ্ৰাফ ঘানীৰ চৰকাৰে নিযুক্তি দিয়া কূটনীতিবিদসকলৰ অধিকাংশই ভাৰত ত্যাগ কৰিছে।
ইক্ৰামুদ্দিন কামিলৰ নিযুক্তিয়ে ভাৰত আৰু তালিবানৰ মাজত নতুন যোগসূত্ৰ স্থাপনৰ প্ৰয়াস হিচাপে গণ্য কৰা হৈছে৷ তালিবান চৰকাৰৰ সৈতে ভাৰতৰ এই ক্ৰমবৰ্ধমান সান্নিধ্যই নিশ্চিত ৰূপত ভাৰতৰ বৈদেশিক নীতিৰ পৰিৱৰ্তনৰ ইংগিত বহন কৰিছে।
Continue Reading
