ডিজিটেল ডেস্ক: বুধবাৰে কাজান, ৰাছিয়াত অনুষ্ঠিত হৈ যায় ১৬তম ব্ৰিকছ শীৰ্ষ সন্মিলন৷ সন্মিলনত ব্ৰিকছৰ পূৰ্বৰ সদস্য ব্ৰাজিল, ৰাছিয়া, ভাৰত, চীন, দক্ষিণ আফ্ৰিকা আৰু নতুনকৈ সংযোজিত সদস্য ইজিপ্ত, ইথিওপিয়া, ইৰাণ, চৌদি আৰব আৰু সংযুক্ত আৰব এমিৰেটৰ নেতত্বই বিশ্ব শান্তি, অৰ্থনৈতিকসহযেগিতা আৰু মানৱীয় সংকটৰ দৰে সমাস্যা আদিৰ ওপৰত বিশদ আলোচনা কৰে৷
এই ভ্ৰমণ কালতে প্ৰধানমন্ত্ৰী নৰেন্দ্ৰ মোদী চীনৰ ৰাষ্ট্ৰপতি শ্বী জিনপিং সৈতে দ্বিপাক্ষিক আলোচনাত মিলিত হয়৷ ভাৰত-চীনৰ সম্পৰ্কক বিশ্ব শান্তি তথা স্থিতিশীলতাৰ বাবে গুৰুত্বপূৰ্ণ বুলি অভিহিত কৰি দুই দেশৰ নেতৃবৃন্দই কয় যে পাৰস্পৰিক বিশ্বাস, সন্মান তথা সংবেদনশীলতাই দ্বিপাক্ষিক সম্পৰ্কত সুস্থিৰতা আনিব। উল্লেখযোগ্য যে ২০২০ চনৰ মে’ মাহত পূব লাডাখ সীমান্ত বিবাদৰ সৃষ্টি হোৱাৰ পাছত দুয়োখন দেশৰ মাজত এইখন আছিল শীৰ্ষ পৰ্যায়ত প্ৰথম খন গাঁথনিগত বৈঠক। এই বৈঠক সন্দৰ্ভত ভৰতৰ প্ৰধানমন্ত্ৰীগৰাকীয়ে 'এক্স'ত এইদৰে সদৰি কৰিছে৷
উল্লেখযোগ্য যে ২০২২ চনৰ নৱেম্বৰ মাহত ইণ্ডোনেছিয়াৰ ৰাষ্ট্ৰপতিয়ে জি-২০ নেতাসকলৰ বাবে আয়োজন কৰা ৰাতিৰ আহাৰত মোডী আৰু শ্বী জিনপিং চমু আলোচনাত মিলিত হৈছিল।বিগত বছৰৰ আগষ্ট মাহতো জোহান্সবাৰ্গত অনুষ্ঠিত ব্ৰিকছ শীৰ্ষ সন্মিলনতো ভাৰতৰ প্ৰধানমন্ত্ৰী আৰু চীনৰ ৰাষ্ট্ৰপতিয়ে এক চমু অনানুষ্ঠানিক আলোচনাত মিলিত হৈছিল৷ এই বিগত চাৰিটা বছৰৰ অচলাৱস্থাৰ অন্ত পেলোৱাৰ ক্ষেত্ৰত এই বৈঠক দুই দেশৰ সম্পৰ্কৰ বৃহৎ অগ্ৰগতি বুলি গণ্য কৰা হৈছে।
Continue Reading
