ডিজিটেল ডেস্ক: তুৰস্কৰ ৰাজধানী আংকাৰাৰ এৰোস্পেচ ইণ্ডাষ্ট্ৰীজৰ মুখ্য কাৰ্যালয়ৰ বাহিৰত সংঘটিত হৈছে এক বৃহৎ বিস্ফোৰণ৷ এই বিস্ফোৰণত কেইবাজনো লোক হতাহত হৈছে বুলি জানিব পৰা গৈছে। এই আক্ৰমণত এতিয়ালৈকে ৩ জন লোকৰ মৃত্যু হৈছে বুলি জানিব পৰা গৈছে তুৰস্কৰ স্বৰাজ মন্ত্ৰীয়ে ইয়াক “সন্ত্রাসবাদী আক্ৰমণ” বুলি অভিহিত কৰিছে।
যি সমসয়ত তুৰস্কৰ ৰাষ্ট্ৰপতি ৰেচেপ টাইপ এৰ্দোৱানে বুধবাৰে ব্ৰিকছ শীৰ্ষ সন্মিলনত অংশগ্ৰহণৰ বাবে ৰাছিয়াত উপস্থিত হৈছে।তেনে পৰিস্থিতিত হোৱা এই আক্ৰমণ বহু পৰিকল্পনাৰে সংঘটিত কৰা হৈছে বুলি অনুমান কৰিব পাৰি।
উল্লেখযোগ্য যে সন্ত্ৰাসবাদীয়ে আক্ৰমণৰ লক্ষ্য কৰি লোৱা তুৰস্কৰ প্ৰতিৰক্ষা কোম্পানী ‘TUSAS’ তুৰস্কৰ অন্যতম গুৰুত্বপূৰ্ণ প্ৰতিৰক্ষা আৰু বিমান কোম্পানী। এই কোম্পানীটোৱে তুৰস্কৰ প্ৰথমখন থলুৱা যুদ্ধ বিমান ‘KAAN’ নিৰ্মাণ কৰিছিল। ইয়াৰ উপৰিও এই কোম্পানীয়ে শক্তিশালী ড্ৰ’নকে ধৰি এনে বহুতো কৌশলগত অস্ত্ৰ নিৰ্মাণ কৰিছে যিয়ে তুৰস্কৰ সেনাক শক্তিশালী কৰাৰ লগতে সেনাই দেশৰ বিদ্ৰোহী গোটক নিয়ন্ত্ৰণ কৰাত সফল হৈছে।
২০১৬ চনত তুৰস্কৰ এৰ্দোৱান চৰকাৰে ISIL আৰু PKK আদি সংগঠনসমূহৰ বিৰুদ্ধে কঠোৰতা প্ৰদৰ্শন কৰিবলৈ আৰম্ভ কৰিছিল। এই গোটসমূহৰ দুৰ্বল কৰিবলৈ তুৰ্কী চৰকাৰে কৌশলগত আৰু পৰিকল্পিত অভিযান আৰম্ভ কৰিছিল৷ ISIL আৰু PKK সৈতে জড়িত শতাধিক লোকক চৰকাৰে গ্ৰেপ্তাৰ কৰাৰ বিপৰীতে PKK ৰ বহু বিশিষ্ট নেতাক ‘TUSAS’ দ্বৰা নিৰ্মিত অস্ত্ৰৰে নিৰাপত্তা বাহিনীয়ে হত্যা কৰা বাবে এই আক্ৰমণ সংঘটিত বোৱা বুলি জানিব পৰা গৈছে।
Continue Reading
